ديكورات من قشور البيض

السلام عليكــم ورحمـة الله وبركاتــه
بســم الله الـرحمــن الرحيــم
دة موضوع عن كيفية عمل ديكورات بقشور البيض بالصور و الشرح و اتمني كتير انها تفيد محبي الحجات دي
ديكورات من قشور البيض
[ندعوك للتسجيل في المنتدى أو التعريف بنفسك لمعاينة هذه الصورة]
شمعدان من قشور البيض
[ندعوك للتسجيل في المنتدى أو التعريف بنفسك لمعاينة هذه الصورة]
طبعا هتسألي نفسك وتقولي "وإيه لازمة إني أعمل شمعدان من قشور البيض ما أنا عندي شمعدان شكله حلو"... هقولك بصراحة إن هذا ممكن تعمليه على سبيل التجديد خاصة وإن الشمعدان اللي مستخدم من قشور البيض بيكون تحفة فنية جميلة أكتر من الشكل التقليدي المعروف للشمعدان وعلى فكرة مكوناته بسيطة وسهلة جدا ولن تكلفك أي حاجة نهائي...
كل الذي تحتاجيه:

• شمع.
• مقص.
• قشر بيض.
• ألوان ماء أو مانيكير.
• زيوت عطرية على حسب ذوقك... يجب التقليل منها
• فتيل
الطريقة:

1. احضري البيضة واقسميها إلى جزءين مع مراعاة أن يكون هناك جزء كبيرلكي تستخدميه في وضع أكبر كمية من الشمع بداخله...ثم احضري القشر ونضفيه جيدا من الداخل باستخدام المياه ولكن عليك تنضيفه بطيئا لكي القشرلا يتكسر.. ثم ابقيه قليلا لغاية ما يجف.

2. بعد ما يجف القشر ارسمي عليه أي رسمة أنت تحبيها أو لونيه باستخدام ألوان الماء أو باستخدام المانيكير أو اتركيه أبيض مثل ما هو...ثم هات كرتونة البيض التي عندك وضعي فيها القشر لكي تقدري تصبي فيه الشمع..


3. سيحي الشمع عن طريق عمل حمام ماء .. "هات حلة صغيرة وحطي فيها الشمع وحطي الحلة الصغيرة في حلة أكبر منها فيها ميه مغلية وسيبيها على النار لمدة 5 دقائق أو لغاية ما تلاقي الشمع بدأ فعلا إنه يسيح داخل الحلة بعد كده ضيفي إليه الزيت العطري اللي عندك...
[img=https://2img.net/r/ihimizer/img269/3928/1604q.jpg]

. هات الفتيل وقصيه بالطول اللي أنت شايفة إنه مناسب لطول قشر البيض وحطيه جوه قشر البيض..بعد كده صبي عليه شوية شمع وسيبيه لغاية ما ينشف وبعد كده املأي ثلاثة أرباع القشرة بالشمع.. أو أكثر من كده وده لأن الشمع بعد ما بيبرد حجمه بيقل...بس كده خلاص.

ميداليات من قشور البيض
[ندعوك للتسجيل في المنتدى أو التعريف بنفسك لمعاينة هذه الصورة]
إيه رأيك لما تستفيدي من قشر البيض كمان في عمل ميداليات تزيني بيها أوضة نومك...

كل اللي هتحتاجيه

• شماعة ملابس.
• خيط متين.
• شوية قشور بيض على شكل أنصاف.
• مانيكير أو ألوان مائية.
• برونز ذهبي أو فضي للتزيين.
• فرشاة .
• إبرة.

الطريقة :-

1- اعملي خرم صغير في أعلى أنصاف قشور البيض باستخدام الإبرة .

2- هات الخيط وقطعيه بأطوال مختلفة واعقدي في طرف كل منها عقدة، ومرّري الطرف الآخر في ثقب قشر البيض بحيث تختفي العقدة في داخلها.

3- ادهني القشور بألوان مختلفة وانثري عليها شوية برونز قبل ما ينشف اللون اللي عليها وسيبيها لغاية ما تنشف..

4- بعد ما تنشف القشور علقيها بالخيوط بحيث تبقى نازلة من على شماعة الملابس. وياريت تعلقيها جنب أي تيار هواء علشان تتحرك مع الهواء.


أحواض زرع من قشور البيض (و دي اكتر حاجة عجباني)
[ندعوك للتسجيل في المنتدى أو التعريف بنفسك لمعاينة هذه الصورة]
دي فكرة تانية ممكن تعمليها وتستخدمي فيها برضه قشور البيض وهي إنك تستخدمي القشور دي في عمل أحواض زرع تحطي فيها أي نوع من أنواع النباتات الموجود عندك.

وكل اللي هتحتاجيه :

• قشور بيض.
• طين.
• أي نوع من نباتات الزينة.
• طبق صغير.


الطريقة:

دي بقى طريقة مفيش أبسط منها كل اللي عليكي إنك تجيبي البيض وتفرغي اللي جواه بس بشكل يحافظ على سلامة القشرة نفسها كاملة واغسليها كويس وبعد كده دخلي فيها الطينة اللي عندك وبعد كده ازرعي فيها أي نوع نبات عندك أو ممكن تحطي فيها أي زهور عندك .
اتمني الموضوع يفيدكو

يا جماعة....
في صورة تالتة في الموضوع مش عيزة تظهر
دوسو عاللينك لو عيزين تشوفو الصورة

موضوع جميل قوى يا شنسل تسلم ايدك

nona كتب:

موضوع جميل قوى يا شنسل تسلم ايدك

الله يسلمك يا قمر و مرسي علي مرورك

موضوع جميل وجديد خالص يا جميل
والفكره فى حد ذاتها مسليه وتملا اوقات الفراغ
يسلم ايدك ومستنين كل جديد منك
[ندعوك للتسجيل في المنتدى أو التعريف بنفسك لمعاينة هذه الصورة]

babymocka كتب:

موضوع جميل وجديد خالص يا جميل
والفكره فى حد ذاتها مسليه وتملا اوقات الفراغ
يسلم ايدك ومستنين كل جديد منك
[ندعوك للتسجيل في المنتدى أو التعريف بنفسك لمعاينة هذه الصورة]

الله يسلمك يا جميل و شكراااا علي ردك الذوق و اتمني انك تنفذيها و تأليلي ايه رأيك
انا جربت الديكورات من قشور البيض اللي هي اول صورة و طلعت حلوة اوي

تسلم ايدك يا شنسل
بجد حلوين اوى

maya 3amer كتب:

تسلم ايدك يا شنسل
بجد حلوين اوى

يسلمو يا قمر و مشكورة علي ردك و مرورك

تسلم ايدك يا شنسل الموضوع ممتع ولذيز مرسى ليكى