اول تجمع اصدقائي بين اعضاء المنتدي

اولا السلام عليكم يا شباب احلي منتدي

بسم الله نبدا ونقولكم باذن الله علي اول مفاجاة حقيقية من منتدانا العزيز الاصدقاء وهو عبارة عن تجمع سيجمع بين اعضاء المنتدي جمبعا باذن الله للتعارف بيننا وتوطيد علاقات الصداقة بيننا باذن الله

ان شاء الله الاياام المقترحة للتجمع هي تاني او تالت ايام العيد او بعد ذلك باستثناء يوم الخميس اللي بعد العيد لاننا رايحين كاس العالم للشباب وباعتبار اننا باذن الله هنبتدي الدراسة يوم 3/10 ممكن نعمله الجمعة اللي بعد العيد مباشرة باذن الله
ده كان اولا
ثانيا التجمع غير قاصر علي اعضاء المنتدي من اسكندرية وبس بل ممكن الناس اللي من البحيرة او طنطا يعني البلاد اللي جنبنا ممكن كمان ييجوا
البروجرام بتاع اليوم انا هاعمله باذن الله وانزلهلكم قريب ولكن بعد اما اعرف مين ماكد حضور معانا
ان شاء الله انا المشرف علي اليوم باكمله وكمان لو العدد كبير باذن الله هيكون فيه العاب حلوة اوي وكله هتعرفوه في البرنامج اللي انا هانزله باذن الله
وكمان لما اعرف العدد ومين اكد حضور ومين ماكدش ونتفق علي اليوم هابقي اقولكم نتقابل ازاي وده طبعا بعد الاتفاق علي المكان اللي هنتقابل فيه
يلا بقي انا عايز الموضوع يتملي ردود وكله ياكد حضور من الشباب لكل البنات
منتظر الردود يا اصدقائي

فكره جميله جداً يا ميدو وهتوطد علاقات الصداقه بين الاعضاء
ربنا يوفقك وان شاء الله انا معاكم اليوم ده واتمنى اكبر عدد من لاعضاء هنا يكونوا معانا
:*bravo*: :*bravo*: :*bravo*: :*bravo*: :*bravo*:

فكره جميله قوى يا ميدو واكيد انشاء الله هيكون يوم جامد

لان هيكون فيه معظم الاصدقاء يلا شد حيلك ونزل برنامج اليوم :happy3: :color happy2:

شكرا ليكي يا موكا

وده اول واحدة سجلت حضور معانا

مين يزود

nona كتب:

فكره جميله قوى يا ميدو واكيد انشاء الله هيكون يوم جامد

لان هيكون فيه معظم الاصدقاء يلا شد حيلك ونزل برنامج اليوم :happy3: :color happy2:

الله يخليكي يا نونا كان نفسنا تكوني معانا ولكن لينا تجمع ان شاء الله عندكم في القاهرة بعد اما العدد يكبر باذن الله

طيعا يا حيبيب قلبى فكرة جامدة وانا ان شاء الله معاكم
اتفقوا على اى حاجة وانا معاكم فيها

السلام عليكم
و الله كنت اتمنى ان اكون معكم و لكن أنا من الجزائر و الدراسة تبدأ عندنا الاحد القادم يعتي13/09

انا طبعا موجوده
بسجل معاكم
وفكرك حلوه اوى يا ميدو تسلم ايدك عليها
:*bravo*: :*bravo*: :*bravo*: :*bravo*:

imene.g كتب:

السلام عليكم
و الله كنت اتمنى ان اكون معكم و لكن أنا من الجزائر و الدراسة تبدأ عندنا الاحد القادم يعتي13/09

,ولا يهمك باذن الله لما تكون في مصر تانية تنورنا مرة تانية وربنا يوفقك في الدراسة

maya 3amer كتب:

انا طبعا موجوده
بسجل معاكم
وفكرك حلوه اوى يا ميدو تسلم ايدك عليها
:*bravo*: :*bravo*: :*bravo*: :*bravo*:

طبعا يا مايا هو انتي تقدري متكونيش معانا ده اليوم مينفعش من غيرك

يلا يا جماعة بقينا 4 لحد دلوقتي مين يزود

طبعا يا مايا هو انتي تقدري متكونيش معانا ده اليوم مينفعش من غيرك

يلا يا جماعة بقينا 4 لحد دلوقتي مين يزود[/quote]

ربنا يخليك يارب يا ميدو

فكره جميله جدا يا ميدو وان شاء الله دايما تقدر تجمع دايما بين الاصدقاء

شكرا ليك انت يا طير اكيد اليوم هيكون جميل طالما انت موجود معانا


وشكرا ليكي يا شوشو علي الرد ويا رب تعرفي تكوني موجودة معانا مرة تانية باذن الله

انا هنا وانشاء الله اكونمعاكم

تنورينا يا هنا طبعا

يلا يا جماعة بدانا نسخن اهه
مين تاني قال جاي؟

انا كمان جايه يا ميدو وديه فكرة جامدة
واتمنى ان الكل يستمتع

تنورينا يا ديرو باذن الله
وان شاء الله هيكون يوم جميل جداااااااااا بيكم جميعا

مين قال جاي تاني يا جدعان
انتظرونا خلال الساعات القليلة القادمة علشان تحديد اليوم والمكان باذن الله
وكمان البرنامج

يا جماعة ان شاء الله تقرر ان اليوم اللي هنتجمع فيه هو تاني يوم العيد

والمكان هو اما انطونيادس او المنتزة (ولكم حق اختيار المكان)

هنتقابل الساعة 11 كلنا باذن الله علشان ناخد اليوم من اوله

وانا للاسف مضطر ان البرنامج ميكنش دسم لليوم ده لان عددنا قليل بس ربنا يسهل العدد يزيد خلال اليومين الجايين باذن الله

يا جماعة لازم تدخلوا اليومين دول وتقولوا ايه رايكم في المعاد والمكان والزمان واللي عنده اي اعتراض علي اي حاجة يقول علشان نحاول نعدل المكان و الزمان لو انتوا عايزين كده

باذن الله لما كلنا نتفق هابعت لكل واحد رقم تليفوني علي الخاص وكمان هتنزل صورتي هنا في الموضوع علشان تعرفوني باذن الله
وربنا يقدرنا جميعا ونسعدكم اليوم ده وكل سنة وانتوا طيبين

ميدووووووووووووووووووو
ازيك عامل ايه
بقولك التجمع مش هينفع فى العيد
علشان الزحمه وكده
واحنا بنات
وعندنا فى البيت اهلنا مش بيرضوا بالخروج فى العيد
خليها بعده بيوم او يومين

خلاص يا مايا
اوك بناءا علي طلب الاعضاء الكرام
هيكون التجمع ان شاء الله يوم الاربعاء الجاي (يعني رابع يوم العيد ) وده ميعاد نهائي باذن الله

المكان هو المعمورة باذن الله

الزمان الساعة 11 باذن الله علشان نقدر نقعد مع بعض اطول وقت ممكن

طبعا البنات معاكي يا مايا واحنا باذن الله هنقابلكم في المعمورة في الميعاد المحدد

خلاص يا جماعة متفقين باذن الله

اوك ماشي يا ميدو
وان شاء لله يكون يوم جامد اوى

وانا هجمع البنات الى هتيجي

يا جماعة فيه تعديل في الزمان بس
بدال الساعة 11 هيكون باذن الله الساعة 1 لان المعاد بدري اوي زي ما الناس شايفة
وبالتالي المعاد الساعة 1 بدال 11 باذن الله
خلاص متفقين يا شباب

يا جماعة خلاص زي ما اتفقنا باذن الله

الساعة 1 في المعمورة باذن الله

وطبعا مايا هيكون معاكي ديرو وهنا وموكا

وانا واحمد باذن الله هنجليكم علي هناك

بس يا ريت يا جماعة محدش يعتذر بالله عليكم

يا جماعة اه معلش نسيت ده البروفايل بتاعي علي الفيش بوك علشان لو مش عارفين شكلي
https://www.facebook.com/profile.php?id=599748982&ref=profile

شكلكوا كده مش عايزين حد معاكو تاني
على العموم يا رب يكون يوم حلو وتستمتعوا بيه

يا سلام عليك
ازاي مش عايزين حد تاني يعني

هو انت بتدخل اصلا
يا ابني انت بقالك كتير مختفي
شكلي كده هاموتك يا اسامة

ولله يا جماعه التجمع كان جامد اوي وكان يوم جميل
واتعرفنا على بعض كلنا
بجد اللى مش جاه هو اللي خسران

ربنا يخليكي يا نونا
وان شاء لله نتقابل وتنعرف على بعض المره الجايه
وظروفك تسمح بكده

ماشى يامايا بتزعلنى انى ما جتش
عامة المرة الجاية ان شاء الله حقابلكم
وحيكون يوم اجمد

انا جيت نورت البيت

عاملين ايه من غيري

بنحاول نعيش ونتعايش ازيك يا ميدو؟
شكراً على يوم التجمع كان يوم جميل خالص وعقبال المره الجايه ما العدد يزيد كمان وكمان
:*bravo*: :*bravo*: :*bravo*:

diro كتب:

ماشى يامايا بتزعلنى انى ما جتش
عامة المرة الجاية ان شاء الله حقابلكم
وحيكون يوم اجمد

انا زعلت جدا والله يا ديرو انك مجتيش معانا

بس المرة الجاية لازم تيجي وباذن الله هتكون قريب ان شاء الله

لا طبعاً مفيش اى زعل من اى حاجه بالعكس كلكم كنتم مجموعه لطيفه جداً واخر ادب ربنا يبارك فيكم
واليوم كان جميل جداً يا ميدو وان شاء الله كل تجمعات المنتدى تكون جميله
:rosy: