الطريقه الاصليه للاكله الايطاليه الخطيره الكانيلونى بالصور

الكانيلونى

المقادير:
* 1 كوب حليب
* 1 كوب دقيق
* 3 بيض
هذه المقادير تكفى عمل 11 قرص, و يمكن مضاعفة الكمية حسب الرغبة

الطريقة:
نخلط جميع المقادير سوا و نقلب كويس جدا لحد ما يمتزجوا كويس بالشكل ده
[ندعوك للتسجيل في المنتدى أو التعريف بنفسك لمعاينة هذه الصورة]
و بعدين نصفى الخليط من خلال مصفاة رفيعة عشان نشيل أى كلاكيع
[ندعوك للتسجيل في المنتدى أو التعريف بنفسك لمعاينة هذه الصورة]
و بعدها هيكون الخليط سائل و سميك حاجة بسيطة
[ندعوك للتسجيل في المنتدى أو التعريف بنفسك لمعاينة هذه الصورة]
بعد كده نجيب طاسة تيفال صغيرة و نحط فيها نقطتين زيت و نسخنها ع النار و بعدين ناخد مقدار كبشة من الخليط بتاعنا و نحطها بشويش فى نص الطاسة
[ندعوك للتسجيل في المنتدى أو التعريف بنفسك لمعاينة هذه الصورة]
نحرك الطاسة لحد ما الخليط يغطى كل مساحة الطاسة
[ندعوك للتسجيل في المنتدى أو التعريف بنفسك لمعاينة هذه الصورة]
و نتأكد ان الخليط اتفرد كويس,عشان نحصل على قرص كامل,كأننا بنعمل بيض أومليت
[ندعوك للتسجيل في المنتدى أو التعريف بنفسك لمعاينة هذه الصورة]
نسيبه على نار متوسطة لحد ما يبدأ يستوى, و ده هنعرفه لما نلاقى الحروف نشفت و ابتدت تعلا عن الطاسة و كمان لما نحرك الطاسة,القرص يتحرك معانا
[ندعوك للتسجيل في المنتدى أو التعريف بنفسك لمعاينة هذه الصورة]
نقلب القرص على الجهة التانية و نسيبه ثوانى يادوب ياخد لون و نطلعه على صينية أو طبق.
نكرر لحد ما تنتهى كل الكمية و بين كل قرص و التانى,نحط نقطتين زيت فى الطاسة
[ندعوك للتسجيل في المنتدى أو التعريف بنفسك لمعاينة هذه الصورة]
بعد كده نعمل صوص بشاميل عادى خالص,لكل 1 ملعقة دقيق نحط 1 ملعقة زبدة
و نقلب كويس لحد ما يمتزجوا مع بعض كويس و كل الدقيق يدوب فى الزبدة
[ندعوك للتسجيل في المنتدى أو التعريف بنفسك لمعاينة هذه الصورة]
و بعدين نضيف 1 كوب حليب و نقلب كويس جدا عشان كله يمتزج كويس
[ندعوك للتسجيل في المنتدى أو التعريف بنفسك لمعاينة هذه الصورة]
نحط ملح و فلفل حسب الرغبة .بعد ما نطفى النار,نضيف 1 بيضة و نقلب كويس
طبعا نضاعف كمية البشاميل حسب ما احنا عايزين
نجهز الحشوة.............
العادى اننا نستعمل لحمة مفرومة متعصجة,لكن أنا بأحب أعمل حشوة مخصوص .....
بأضيف للحمة المفرومة طماطم و فلفل رومى و بصل و مشروم و زيتون أخضر و أسود و جبن رومى مبشور.......الخلطة دى بيبقى طعمها حلو أوى مع بعض
[ندعوك للتسجيل في المنتدى أو التعريف بنفسك لمعاينة هذه الصورة]
ناخد قرص من اللى عملناهم و نحط فيه شوية حشوة
و نلف القرص على الحشوة بالشكل ده
[ندعوك للتسجيل في المنتدى أو التعريف بنفسك لمعاينة هذه الصورة]
و نرص وحدات الكانيلونى فى طبق فرن بايركس
[ندعوك للتسجيل في المنتدى أو التعريف بنفسك لمعاينة هذه الصورة]
و لما نخلص كل الكمية,نحط على الوش البشاميل اللى عملناه
[ندعوك للتسجيل في المنتدى أو التعريف بنفسك لمعاينة هذه الصورة]

و ممكن نرش ع الوش جبنة رومى مبشورة أو موزاريللا
و بعدين محطه فى الفرن لحد ما الوش يتحمر
[ندعوك للتسجيل في المنتدى أو التعريف بنفسك لمعاينة هذه الصورة]
و بالهنا والشفا ويارب لما تجربوها تعجبكم
واتمنى اسمع اراء كل الى جربوا الطريقه
للأمانه منقول

تسلم ايدك يا ايمى
على الاكله التحفه دى
وبجد انا بحب الكانيلونى دى اوى

بجد انا بموت فى الكانيلونى جداااااااااااااااااااااااااااااااااااااااا
وانا بحب اكلو جدا ومتشكرة على الطريقة الروعة دى

العفو نورتى والف هنا وشفا