صعيدي فى الجامعه ( الجزء الاخير )

الحلقه قبل الاخيره


نور : شايف يا أحمد شرم حلوة اد ايه

احمد: جميلة جوى شرم بس انتى الاحلى يا نور

نور: عيب يا حمادة بتكثف

أحمد: بتتكثفي ويعنى انتى لما تجوليلي يا حمادة هفرح انا أكيد هكثف بردوو

نور: خلاص وانا اكثف ولا انت

أحمد: الاغنية دى سمعتها جبل كده بتاعت مين دىىىى

نور: انه اغنيه ؟

أحمد: نور عينى

نور: ااااااااااااااااااه نور عينى بتاعت تامر حسنى

أحمد: تامر بن الولد حسنى اللى هو............

نور: هو ايه ؟

أحمد: لا متخديش في بالك حصل خير بس دى انا سمعتها قبل كده قبل برنامج بكااااااار عشان الطابور الصباحي وكده ههههههه

كل دول وهو لسه مش ركبوا الاتوبيس المهم ركبوا الاتوبيس فـ

أحمد بيقول لنور: الاتوبيس دا مكيف يا نور

نور: انت جيت فيه اول مرة انت شايفه ايه

احمد: والله انا شايفه انه راجل طيب جووى جوووى وربنا يصلحله الحال ويتجوز اتوبيساية تكون محترمة بردو

نور: تعرف ان انت عسل يا احمد

احمد: بجد بجد الكلام دا من الحتة اللى في الشمال يا نوور ولا اييييييييييه

نور: اه يا احمد انت تستاهل كتير اووى والله

احمد: خلاص يا نور الا انا بتغر بصراحه وهقلبها نكد عليكى فريحي نفوخك بقا

احمد ونور وهما راكبين لقوا شاب مع جيتار وبيعزف وكلام ....

أحمد: بقولك ايه يا بن عمى

نور: انت بتكلم مين

احمد: الشاب الحليوة اللى هناك دا يا بن عمى يا بن عمى

الشاب: نعم يا مان

احمد: مان؟@!!! دا اخر واحد جلهالى لسه في المستشفي دلوجتى بيتعالج
ههههه بضحك معاه يا مان انت كمان

نور: هههههههههه انت مشكلة يا احمد

أحمد: بس يا بت انتى كلام الرجالة والمانات مع بعضيهم مش تنحشرى انتى اسكتى خالص

الشاب: ماشي يا مان انت عاوز ايه بقا أأأمر يا جميل

أحمد: عاوز العب شوية ع الزمارة الكبيرة اللى في ايدك دى ...تصدق يا اخ

الشاب: اصدق ايه

أحمد: لا متصدقش ..كان في وخلص خلاص فوووووت علينا بكرة بجاااا ههههه

نور: اهدى يا احمد شوية عشان منعرفش مين دا وانت داخل في تريقة

أحمد : عادى دا مان وانا مان وهنقضيها ميينز باذن الرحمن

الشاب: عاوز تلعب ع الزمارة

أحمد: اه ياريت يا مان والله

نور: عاوز اشوف ابدعاتك بقا يا أحمد بلييييييييييز

أحمد: ايه بليييييييز دى انتى عاوزة تشربي اصل كنت بخدها في درس اللغة الانجليزية وانا صغير عاوزة تشربي تجولي بليييز عاوزة تقومى وتقعدى تجولي بليييييييز ...اى حاجة بلييييييز في بليززززززز

الشاب: خد يا مان انت

أحمد: اتفرجى عليا بقا يا نور وانا ببدع

نور: ماشي يا احمد

أحمد مسك الجيتار وعمال يعزف ذى اى حد ومهواش عارف بيعمل ايه خالص

احمد عطى الجيتار للشاب دا وقاله جميلة الزمارة دى كمل عليها وهات علبة سجاير بقا ههههههههههه

الشاب : طيب شكرا يا مان على كلامك الحلو دا

أحمد: عجبك يعنى خلاص هلفهولك في سندوتش بقا عهههههههههههه

نور: لا يا أحمد انت زودتها كتير وهما مش يعرفنا بس شكله طيب عشان متكلمش خالص

الشاب: ولا يهمك وانت ذى العسل يا أحمد
أحمد: شايفة يا بت يا نور الناس بتعترف بيا ازاىىىى نى عسل لكن انتى استغفر الله .......

نور: بقا انا يا احمد ماشي احنا قربنا نوصل اهووو وشكرا يا احمد بجد وانا زعلانة منك بجد

احمد: لللللللللللللللللللللللللللللا مش تزعلى مش اقدر انا يا جميل انت دنتا الحتة اللى في الشمال

نور: طيب خلاص وانا مقدرشي ع زعلك اساسا يا احمد

أحمد: منا عارف انك مش تقدرى لو تقدرى هولع في الدرة اللى عندك في الجنينة في البيت هههههه


المهم نور وأحمد وصلوا لارض مصر ونور اتفقت مع أحمد انها توديه ع الحلاق عشان يظبط حاله شوية


الحلقة الاخيره بقي



الحلقة الاخيرة

**********

طبعا احنا عارفين ان نور وأحمد رجعوا خلاص ونور هتاخد احمد ويروحوا للحلاق عشان النيولوك

المهم ياله بينا وهتعرفوا كل حاجة

نور: انا زعلانة يا احمد عشان الرحلة خلصت بجد

أحمد: وانا فرحان عشان كنت جمبك

نور: بجد يا احمد

أحمد: ايوة يعنى هتكونى في ظهرى منتى جمبي دايما ولا اييييييييييييييه

نور: طول عمرك دمك ذى العسل يا أحمد

أحمد: الله يخليكى تاخدى شوية ....

نور: شوية ايه

أحمد: لا قدرررررى محصلشي بجاا خلاص

نور: خلاص انا زعلانة منك ولازم تصالحنى بقا

أحمد بيقول لنفسه ايه التدبيسة اللى انا فيها دى هصالحها ازاى الولية دى

أحمد: خلاص اغنيلك يعنى يا نووور

نور: ياريت يا أحمد

أحمد: طيب

نور: ايه هتغنى ايه

أحمد: هغنيلك اغنية بحبها جووووووووووووى للمطرب صلاح شيشة هتعجبك جووى

نور: شيشة مين يا عم ...اقولك غنيلي لعمرو دياب

أحمد: عمرو مين !!! بقولك شيشة تقولي دياب ..دا الدنيا اتغيرت يا جدعان وع العموم هغنيلك اغنية من الشريط الجديد

نور: بجد طيب ياله بسرعه

أحمد: خليكى معايا يا نووووووووووووووووووووووووووور الا الدنيا تتضلم ولا حاجة

نور: الله انتا عارف اغنية خليك معايا انا بحبها موووووووووووووت

احمد: أمال يا بت انتى دا انا الفنان بتاع البلد عندنا دا انا حتى بغنى أجنبي جامممممممممممممممممممممممممد

نور: طيب ياله نقعد ع كافتيريا بقا

أحمد بيقول ايه البت الاستغلالية دى انا عاوز احلق وانضف بجاااااا

أحمد: بلاش جهاااااااااااااااااوى يا نووور الله يكرمك بخاف من الشيشة انا وانتى شكلك مش يطمن الصراحة

نور: لالالا مش بشرب انا ومتخفشي هنشرب نسكافيه وكانتلوووب وووو

أحمد: ووو حشيش و لا ايه

نور: لالالالا يا أحمد مش تقول كده

أحمد: حشيش فايدة فيك

نور: ايه نعم !!!

أحمد: بانجو انت تانى

نور: مممممممم بتقول ايه يابنى

أحمد: بودرة تندم يا جميل

نور: اندم علي ايه بس !!

أحمد: مش كنا هيروين مع بعض

أحمد: ايه رأيك بقا في الاغانى الرومانسية الدامدة دىىىىى

نور: لا بجد انت فنان ونعم الاغانى بجد

أحمد ونور راحوا ع الكافتيريا والجارسون جى

الجارسون: تطلبوا ايه حضراتكم

أحمد: مين دا اللى لابش بنص كم وشايف نفسه بطقم فيلم الابيض واسود دا

نور: استنى يا أحمد انا عاوزة ....

أحمد: عاوزة ايه ...اطلبك واحد عبد الحليم حافظ مع شادية بس تعلى الصوت الله يكرمك الا انا سمعى بايظ اليومين دوول

نور: ههههههههههه اسكت بقا .... خلاص معلش يا متر

أحمد: متر ولا نص أخرك معايا نص كيلو آدمة يا جمووووووووووووووووور انت

نور: خلاص يا احمد ..هاتلنا نسكافيه وهات لاحمد قهوة

أحمد: بس القهوة تكون بنى الله يخليك الا لو غير كده هلبسها في وشكـ بدد

نور: ها يا احمد مش هتقولي كلام حلو في القعدة الرومانسية دى

أحمد : بحبك يا.........

نور: بجد .يا ايه طيب

أحمد: يا أمى

نور: طيب يا فالح اسكت بقا

احمد يقول البت شكلها بتحبنى بس لما انضف اظبطها انا

وقام أحمد ونور وخلاص نوور اتصلت باخت باخت الواد الروش عشان يقولها المكان فين وتودى أحمد هنا

المهم راحوا هما الاتنين بس نور راحت مشوار وحتحود ع أحمد

نشوف بقا الكلام مع احمد عشان النيولوك الداااااامد دا

أحمد: السلام عليكم يا حلاق ..ماذا بك الم تريد ان تحلق لي لو لم تفعل هذا لاذبحنك ذبح الابل

الحلاق : ايه يا استاذ في ايه وع العموم وعليكم السلام اتفضل !!!!

أحمد: الله يزيد فضلك بس عندك سانتدوتش مية ساقعه الا انا سقعان اوووى

الحلاق: لا معنديش واسكت يا رغااااى

أحمد: دا انت اللى رغاى دا النهاردة التنين وفاتح مش اجازتك دى يا بارد

الحلاق: معلش بقا واكل العيش ...المهم

احمد: ام هند ااااااااااااه

الحلاق : عاوز تحلق ايه

أحمد: والله احلقلي كابوريا مع سردانية ع السوالف على شوية تمليحة على شنبي

الحلاق : ايه اللى انت بتقوله دا يعنى احلقك كابوريا

احمد: ايوة يا عم وخلص بقا يا عم عشان يومك يعدى معايا

الحلاق قعد يحلق لاحمد ومرة واحدة أحمد قام وقاله



أحمد: انت يا عم في ايه انا مش قولتلك كابوريا ايه مثلث برمودا اللى انت عامله دا هتخرف في الخرايط ولا ايييييييييييييييييييييه

الحلاق: خلاص يا استاذ بلا خرايط بلا كلام فاضي هظبطك انا

الحلاق شال المكنة بتاعت الحلاقة وشغال بيصفصف شعر أحمد

احمد: ايوة كده اللى ينور عليك كده احبك يا حلاق يا معفن انت

الحلاق : لاحظ يا استاذ انك بتشتم كتييييييييييير وكده مش كويس بجد

أحمد: خلاص هسكت يا بارد

الحلاق : طيب انت عاوز السوالف طويلة و صغيرة

احمد: دوووونت ميند انى سينج انا اكسيبت

الحلاق : يعنى طويلة ولا صغيرة بردو

أحمد: طويلة وصغيرة يعنى متوسطة يا مان

احمد افتكر كلام الواد الروش مان وصحبي وقعد يجربه في الحلاق

الحلاق: طيب عاوز ايه تانى

أحمد: لا ولا حاجة بس ممكن اتشطف عندك يا صحبي

الحلاق : صحبي ... يا مغير الاحوال ما كان من شوية بارد دلوقتى صحبك اه يا بلد المصالح انتى

أحمد: للللللللللللللللللللللللللع دا انا صعيدى وهجبلك صميدة وبوووى وامى كمان عشان متبقاش لوحدها ونجفلك الدكان دى

الحلاق: خلاص قلبك ابيض يا استاذ

احمد: ابيض ولا اسود تصدق يا عم انت فيك شبه من الجارسون بارد ذيه

الحلاق: طيب اسم الكريم ايه

احمد: ليه هتصاحبنى ولا ايه يا عم وع العموم انا أحمد

الحلاق : تشرفنا يا زووق ....أأأأأأأوم بقا ظبط حالك عشان تبقا تمام

احمد: طيب يا مان ثوانى بجاااااااااا

احمد قام غسل شعره وظبط الكلام تمام وهو اساسا مش معاه الا خمسة جنيه في جيبه بس عامل حسابه انه يشترى شيبسي ويظبط حاله

المهم


أحمد: طيب طلباتك يا عسل

الحلاق: في ايه بس

طبعا الحلاق بارد وكلنا عارفين ان البرادة صفة من صفات الحلاقين

أحمد: طيب خد يا عم مش خسارة فيك وهشتريلك ترمس كمان

الحلاق: ايه دا يا افندى دا انت غلبتنى معااااااك

المهم خناقة حصلت بالكلام بينهم هما الاتنين ع دخلة نوووور

نور: في ايه يا أحمد

احمد: دا حرامى عاوز ياخد منى خمسة ج وانا كوركى ولا ايه لالالالالالالالالالالاع

نور: طيب اسكت انت وعطت للحلاق 5 جنيه


احمد قلبه اطمن انه هيشترى الشيبسي والكلام دا

نور: انت بقيت قمر يا احمد اكتر من الاول

احمد: طب منا عاااااارف يا قمر انتى

وقالها

انو لما يرجع من البلد وسكتتتتتتتتتتتتتتتتتتتتتتتتت

ياتري هيقول ايه

احمد : عايز اقولك علي حاجة

نور : قول

احمد :انا رايح البلد و انا ان شاء الله لما ارجع من البلد وسكت

نور : ها يابني

احمد : هغير الشقه دي واخد شقه تانيه

نور : اشمعنا يعني

احمد : لسببين بصراحة

نور : الى هما ايه يعني

احمد : السبب الاول يا ستي الست صاحبة البيت مش مظبوطه كدا

نور : مش مظبوطه ازاي يعني

احمد: عادي يعني مش مستريحلها انا

نور : اها والتاني ايه بقى

احمد : عايز اخد شقه قريبه من بيتكوا

نور : من بيتنا اشمعنى ؟

احمد : هقولك لما ارجع ان شاء الله

نور : لا قولي دلوقتي

احمد : لا مش هينفع دلوقتي والله

نور : بقي كده ياااحمد

احمد : يابنتي عادي والله هقولك لما ارجع

نور : ان شاء الله ترجع بالسلامة

احمد : طيب انا هقفل دلوقتي وابقي اكلمك وقت تاني

نور : طيب بس متتأخرش عليا

احمد : مقدرش اتأخر عليك يا قمر

نور : طيب يلا سلاام

احمد : سلام

وقفل احمد مع نور

وطالع السلم قابل مين

جارته صحبة البيت

جارته : حمد الله علي السلامة يا استاذ

احمد : الله يسلمك

جارته : جيت امته

احمد : لسه حالا

جارته : علي فكرة الحج اتصل بيك أكتر من مرة

احمد : ابويا

جارته : اها

احمد : طيب ماشي انا رايح اصلا حالا

جارته : ابقي طمني عليك لما توصل

احمد : ان شاء الله

وطلع احمد لم حاجاته

وراح ركب العربية الى هتوديه البلد

وركب فعلا

وبعد سااعاات وصل احمد البلد

نزل من العربية

قابل مين ؟؟؟؟

ياتري قابل مين

قابل محمد ابن عمه

محمد : مييييييييييييييييييييييييين احمد ؟؟؟؟

احمد : اها يابني ايه شوفت عزرائيل ههههههههههههههههه

محمد : وحشني يا وله

احمد : وانت كمان والله يا محمد ايه اخبارك

محمد : الحمد لله عايشيييييييييييييين انت عامل ايه يا ولة

احمد : وله ايه ياعم متهدي شوية عليا

محمد : ايه انت بجيت خلاص بندري

احمد : بندري ايه يابني

محمد : انت اتغيرررت يااحمد ومبجتش زي الاول

احمد : يلا يابني علشان توصلني

محمد : اوصلك فين ؟؟

احمد: البيت يابني

محمد : لا لا لا لا تعال نروح البيت عندنا نتغدي الاول

احمد : لا يلا نروح ابويا وامي وحشني وعايز اشوفهم

محمد: طيب يلا انت حر

احمد : طيب يلا

مشيوا الاتنين وراحوا بيت احمد

احمد دخل البيت سلم علي ابوه وامه وقعد اتكلم معاهم

وبالليل بعد مسلم عليهم قال لابوه انا عايزك في كلميتن

ابوه خدوا وخرجوا معرفشي رراحوا فين بس المهم انهم خرجوا

وهما ماشين

الحج : ايه يا احمد خير في ايه

احمد : بصراحه يابا انا كنت عايز اكلمك في موضوع كدا

الحج : قول يا احمد في ايه

احمد : انا معايا بنت في الجامعه بحبها وعايز اخطبها

الحج : ودي من مصر يا احمد

احمد : اها من مصر يابا

الحج : بص يااحمد انت طلبت تروح مدرسه كبيرررة

احمد : اسمها الجامعه ياباا

الحج: انا معرفش في الحاجات دي

احمد : المهم يابا البنت دي بحبها وهي بتحبني وعايز اخطبها

الحج : يابني بنات مصر غيرنا

احمد : لا يابا دي كويسة اوي

الحج : ياااحمد فكر تاني وانا يابني مش هتأخر عنك

احمد : تسلملي يارب يابا وربنا ميحرمنيش منك

الحج : تصدق ان امك لسه مكلماني في الموضوع دا

احمد : موضوع ايه

الحج : كانت عايزه تخطبلك مسعدة بنت خالك

احمد : حرام عليك ياباا دي دايسه علي وشها قطرر قبل كده

الحج : بس يا وله دي بنت خالك برضه

احمد : ماشي يابا سكت اهو

ومشي ابوووه هوه واحمد ماشين بيتمشوا في البلد وروحوا بالليل

احمد كان مستعجل عايز يروح علشان يكلم نور

المهم دخل احمد اوضته وقال هكلم نور

المهم اتصل بيها

نور ردت عليه

احمد : نوور

نور : احمد ازيك

احمد : الحمد لله تمام ازيك انتي عاملة ايه

نور : الحمد لله تمام

احمد : فاكرة يا نور السبب التاني الى كنت بقولك عليه بتاع الشقه

نور : اها طبعا فاكرااه الي انت مردتش تقولي عليه

احمد : ما انا خلاص كلمت الحج

نور : حج ايه ؟ مش فاهمة حاجة

احمد : نور

نور : نعم

احمد : شكلك حلو وانتي بتعملي عبيطة ههههههههههههههههههههه

نور : ههههههههههههههههههههههههههههه لا بجد مش فاهمة في ايه

احمد : نور

نور : يادي نور نعم يابني

احمد: بحبك

نور : نعم !!!!!!!!!!!!!!

احمد : ايه قولت حاجه مش علي مزاجك ؟

نور : نعم !!!!!!!!!!!!!!

احمد : ايه يابنتي عليكي عفريت اسمه نعم ؟؟

نور : ايه !!!!!!!!!!!!!!!

احمد : طيب بقولك ايه هههههههههههههههههههه اعتبريني مقولتش حاجة

نور : مين !!!!!!!!!!!!!!!!!!!

احمد : ههههههههههههههههههه وربنا هبلة

نور : احمد اقفل دلوقتي ونكمل بعدين

احمد : ههههههههههههههههههههههه ليه يابنتي

نور : اسمع الكلام بس يااحمد علشان خاطري

احمد : حاضر يا ستي

نور : سلام يا,,,,,,,

أحمد : ياا ايه ؟؟؟

نور : يارخم ههههههههههههههههههه

احمد : سلام يا رخمه

وبعد مرور اياام حوالي اسبوع تقريباا

وكانت مكالمات احمد ونور عباره عن اتنين خلاص بقي بيحبوا بعض

رجع احمد الشقه القديمه خد حاجته كانت نور ظبطت ليه شقه جديدة

وراح نقل حاجاته في الشقه الجديدة ومستني يعرف رد نور علي اخر سؤال كان سأله ليها

ياتري هتعملي ايه يا نور

وعمالة تفكر ياتري اقوله ايه

كل ما تتخيل الموقف مش عارف تفكر في اي حاجة

احمد : نور

نور : نعم

احمد : بصراحه كدا

نور : ها

احمد : وبدون مقدماات

نور : يارب نخلص هههههههههههههههه

احمد : هنخلص اهو

نور : طيب يلا انطق ههههههههههههههه

نور : دانا يابني لو بحب في ابو الهول كان زمانه نطق ههههههههههههههه

احمد : علي اساس انك بتحبيني يعني

نور : عارف مستر كاظم الساهر

احمد : وهل يخفي القمر

نور : بيغني بئي وبيقول ((( هل عندك شك ))) اظن كده مسمعش صوتك تاني

احمد : لا مش فاهم وضحي حضرتك ههههههههههههههه

نور : طيب اها يا سيدي حاجة تانيه

احمد : اها ايه بقي ؟

نور : يلاهوووووووووووووووي يابني خنقتني

احمد : طيب خلاص خلاص خلاص

نور : ها كنت عايز تقول ايه

احمد : كنت عايز اقولك


اقولك


اقولك







اقووولك





تتجوزينني



اتمنى يكون الموضوع حاز على رضاكم

واتمنى اعرف رائيكم بصراحة




واتمنى كمان السعادة لأأحمد ونووووووووووووووور

عشان هايوحشونى اوى

وشكرا اوى علي متابعتكم للقصة وبالتوفيق ان شاء الله

حلوووووووه اوووي وتسلم ايديك يا مايا بجد مسلسل تحفة :happy: :happy:

ربنا يخليكي يا شوشو
ويخيلي كل الى تابعه القصه
ويارب تكون عجبتك بجد

تسلم ايدك يا مايا
قصة كتير حلوة وجامدة
دايما متميزة يا مايا

تسلم ايدك يا مايا
بجد قصة جميلة ومثيرة جدا

ربنا يخليكم يا جماعه
ويارب تكون عجبتكم فعلا
نورتوا الموضوع
:rosy: :rosy: :rosy: :rosy: