أجمل ما قيل عن المرأه

بجد بجد كلام جميل موضوع حلو اوى

تسلم ايدك يا نونا على الكلام الجميل ده
ومن تميز لنجاح وتفوق دايما

كالعاده مواضيعك مثيره للتفكير يا نونا وكل مره بتثبتى للكل انك من اشطر المحللين النفسيين وصحيح الحكايه غير متعلقه بالسن او حداثة التخرج لان زى ماهو واضح انك صغيره سناً بس بجد كبيره عقلاً وده الاهم
عندى تعليق بما انه "اجمل ما قيل عن المرأه"
ففى بعض الاقوال هنا لفلاسفه اكيد كانوا بيكرهوا المرأه اوى

" أحسن طريقة لتجعل امرأة تغير رأيها هو أن توافق عليه"
هل معنى كده اننا مجموعه من الشخصيات العنيده الى بتتصرف على اساس خالف تعرف؟ رأى ذكورى بحت عننا برغم ان المرأه فى مقوله تانيه لرجل بردو مثل العشب الناعم ان اتت الريح تنحنى معها لا تنكسر!!!!!!!!!!

"الشيطان استاذ الرجل وتلميذ المرأه "
معنى كده اننا بئى فى جهنم وبئس المصير جميعاً؟ والناس الى هترد ناقصات عقل ودين اطلعوا على كتب الشريعه الاول لمعرفة المعنى بأدق حزافيره لانه لا يدين المرأه من قريب ولا من بعيد
ده تعبير بيرجع لطبيعتها فى انها لا تكفى وحدها للشهاده لكثرة اعباءها الى ممكن تخليها تنسى
وده ياثر على شهادتها بالتبعيه وناقصة دين لانها بيولوجياً لا تستطيع الصلاه و الصيام وداء الشعائر الدينيه طوال الشهر كاملاً مثل الرجل(هل ده ممكن يعمل منها استاذ للشيطان؟

"اهرب من المرأة تتبعك..اتبعها تهرب منك"
فكره غلط جداً عن طبيعة المرأه الحقيقيه الى متمسكه بكرامتها و قيمتها لان من الطبيعى ان المرأه عندما تشعر انها منبوذه من شخص ما تبتعد فى اباء وأخطأ من قال ان الحب ليس فيه كرامه والحب فى حقيقته قمة وقلب الكرامه والاحترام والقدسيه.

"متى أطفأت الشموع تساوت النساء جميعاً"
ده بيصنفنا على اساس ان المرأه جسم لا عقل؟ ولا على اساس ان كله عند العرب صابون وده مثل عقيم فى الاساس بيؤل اننا كعرب مش بشر كفايه مثلاً (شوفوا زعلتوا ازاى لما شوفتوا مثل ضمن المرأه والرجل) طب ايه احساسنا لما يكون من اقوال الفلاسفه ده لو يرقى قول زى ده لاى بنى ادم عنده عقل اساساً بيساوى بين الكل على اساس ان المرأه عباره عن شىء مش انسان وصت عليه جميع الاديان السماويه

معلش انى اختلفت معاكى فى الاراء المره دى يا نونا لكن هنا فى اقوال جميله اوى اوى واخرى فيها تجنى واهانه قويه للمرأه الى كفاها شرفاً انها ام واخت و زوجه و صديقه حنونه ومتفهمه

تسلم ايدك يا نونا
متميزة دايما
وكلامك كتير حلو
:*bravo*: :*bravo*: :*bravo*: :*bravo*:

تسلم ايديكي يا نونا موضوع رائع وزي ما قالت موكا في اقوال بتدين المرأة لكن الموضوع متميز وده اللي متعودين عليه منك

وانتي يا موكا اضافتك دايما لأي موضوع بتبقي حلو ه وجهه نظرك متفتحه وعقلانيه جدا ماشاء الله ربنا يزيدك وتفيدنا كلنا

nona كتب:

ميرسى لمرورك يا ايمى ونورتى ياقمر
وعلى فكره انا سعيده برايك حلو انه يكون فى اختلاف فى الراى
علشان يكون فى حوار وكلنا نستفيد والاختلاف فى الراى لايفسد للود قضيه

بس احب اقولك حاجه يا ايمى احنا فعلا شخصيات عنيد هو مش لدرجه اذا ارد ان تغير رايها فوافق عليه بس احنا عندنا جزء من العند
وبخصوص جمله"اهرب من المرأة تتبعك..اتبعها تهرب منك"
فدا فعلا طبع فى بنات كتير انا بقول كدا بمنتهى الحياديه لانى لاحظت دا
فى بنات كتير بس هما مش بيعترفوا بكدا بس فعلا دى حقيقه طبعا مش كل البنات كدا لكن فيهم كدا فيهم جزء طفولى لما بيمتلكوا حاجه مش بيبقى عاوزنها ومش بيحسوا بقيمتها.

انا سعيده بتعقيبك يا نونا وتقبلك لاختلاف وجهات النظر بالشكل الجميل ده
طبعاً اختلافى هنا مش معاكى لان الى ؤلتيه فيه جانب كبير جداً ان مكنش كله صح لكن الرد اختلفت فيه مع نقطة انه اجمل ما قيل عن المرأه مش اكتر وانا عند رأيى ان مواضيعك من اكتر المواضيع المثيره للتفكير والتحليل ويارب دايماً فى تقدم و نجاح من موضوع للى بعده.