تسامح ولا لا؟

موضوع: تسامح ولا لا؟ الأحد أكتوبر 25, 2009 10:50 am

فى حياتنا بنقابل ناس اوقات بيكونوا مصدر سعادتنا واوقات بيستخسروا فينا حتى الابتسامه
عندما تقابل شخص تجعله هو كل حياتك وتقربه منك وتسعى ان تكونا جزء واحد
تهتم بما يهتم عندما تقابله مشكله تكون اول من يحلها له تشعر بوجوده لانك ترغب بذلك
ويشعر بوجودك لانه يريد ذلك تمر الايام وتبقوا شئ واحد يحس بك برغم ما يبعدك عنه من مسافات
طويله تجده بجوارك عندما تحتاجه دون ان تطلب منه ذلك تفهمه من مجرد نظره عينيه
يفهمك ويحس بك من مجرد سلامك اصبح الجميع يعاملونكم على انكم شخص واحد

ولكن الايام لا تبقى على حال وفى ذات يوم هذا الشخص خانك جرحك وكانت خيانته لك
مع اقرب اصدقائك بل اوحدهم .
ولكنه بعد فتره قصيره عاد واخبرك انك اهم واغلى من فى حياته وان الموضوع(الخيانه)لم
يكن كما وصلك بل وصل بطريقه غير صحيحيه وشرح لك موقفه واخبرك انه لايستطيع
العيش بدونك وكان صادق فى كلامه والذى جعلك تشعر بصدقه انك مازلك تفهمه وتحس بما يقوله

السؤال هنا هل تسامحه وتبدا من جديد ام تبعد عنه ولاتبالى بما قال ؟

فى الحقيقه يا نونا اذا كان الموضوع مجرد اشاعه فلكل اشاعه اساس وحظ من الصحه وفى حالة ان الحكايه وصلت للشخص ان الانسان الوحيد الى بيحبه خانه طبعاً المشاعر بتتحكم وبيتسرع احياناً بس بعد ما عدى وئت الغضب العاطفى لزم يفكر مين كان مصدر الاشاعه و مقدار الصحه فيها و يفكر شويه ايه الى ادى لتقارب اقرب الاصدقاء و اوحدهم من حب حياته بالتأكيد هيلائى انها غلطته من الممكن انه قرب بينهم بدون قصد و دى اكبر غلطه بنقع فيها لما بندخل صداقتنا كتير فى حياتنا الشخصيه بس الخلاصه لو الشخص الى اتصدم ده اكتشف انه بعد التضحيات والحب اتخان لازم ياخد وئته ويفكر هل ده كان حب حئيئى او حب من اساسه واذا كان حي حئيئى هيخطى العقبه او الهفوه الى عملها حبيبه بشرط انه يبعد فتره كفايه ويعيد تفكيره و اسلوب تعامله لان الرجل لما بيعتبر وجود البنت الى بتحبه فى حياته امر مسلم بيه مش بيهمه جرح مشاعرها مره و اتنين و تلاته لانه معتقد انها كده كده فى انتظار اشاره صغيره عشان تسامحه ...............

معلش طولت فى الرد شويه يا نونا و اتمنى ان الرد يكون وضح الاجابه الى محتاجها الشخص الى اتعرض لخيانه من حبيبه.

انا شايفه انها تبعد عنه ومترجعلهوش وانشاء الله ربنا حيكرمها بالاحسن منو لانه خانها مع صديقتها فالموضوع صعب جدا

اولا السلام عليكم

ثانيا الموضوع ليه اتجاهات مختلفة
اولها ممكن اكون فعلا فهمت الموضوع غلط من الاول وظلمته
وبعدين لو مش ظلمته هل دورت فعلا على سبب للى عمله معايا او يمكن اكون انا السبب فى انه يعمل معايا كدة
بس فى الاخر انه رجعلى واعتذر واكيد انا اعرف الشخص ده كويس وهعرف من كلامه اذاكان صادق ولا لا
المهم فى الاخر هو كسر حاجز الثقة اللى بينى وبينه انا ممكن اسامحه عادى بس ارجعله زى الاول صعب
لازم على الاقل لو هو محتاجنى فعلا زى ما بيقول يثبت كلامه بالفعل مش بالكلام ويحاول على قد ما يقدر يرجع الثقة اللى كانت بنا اما لو فضل يتكلم وانا اسمعله وسامحته هكون بظلمه وبظلم نفسى لانى صعب اثق فيه تانى الا لو عمل حاجة زى ماقولتلك تكون دليل صدق كلامه وتثبت انه عاوزنى اكون معاه بجد

ميرسى لمرورك يا ايمى ونورتى يانهال وردك رائع يا احمد

بس انا من راى ان الانسان يسامح فى الخيانه دى من المستحيلات
وبرغم من انه رجع وشرح موقفه بردو مينفعش تسامح كفايه انه حطها
فى الموقف السخيف دا وايا كانت تبريراته فزى ماقولت يا احمد ان الثقه اتهزت بينهم
واليخون مره ممكن يخون الف بالذات لو المره دى اتعدت له.
وانا معاكى يا ايمى فى ان هى الغلطه من الاول انها دخلت صديقتها فى الموضوع
بس المفروض انها مكنتش مجرد صديقه وانها كتير كانت بتقرب بينهم قبل ما يرتبطوا.
وطبعا طبعا موافقاكى ينهال فى انها تبعد عنه لان الخيانه دى من اشبع الحاجات الموجوده فى الدنيا

مش عارفه اقول ايه لان الموقف ده حصل معى شخصيا

وانا رفض التسامح رغم انى متسامحه لابعد الحدود

ولكن رفضى للتسامح كان لانى انجرحت اوى اوى

ولما قرر الرجوع لى شفت انه جرح ليها هى كمان

يمكن انا قدرت اخرج من الموضوع بسهوله المره الاولى رغم جرحى اللى مستحيل يمحيه الزمن

لكن برده مستحيل اسمحه كليا واكيد هيكون فى جزء بينزف وكمان مقدرش اتحمل جرح انسان اخر

حتى لو مش انا السبب وكونى جربت او شربت من الكاس مستحيل اخلى حد يشرب منه ويتذوق

المرار اللى موجود بداخله وانا اعرفه

بجد يا نونه انتى موضوع جنان كفايه انو بيتكلم فى الخياناه والخيانه دى اصعب شىء فى الكون والى يخون مره يخون مره تانى

» لحظات تسامح مع القلب