لا تعليق

موضوع: لا تعليق الخميس نوفمبر 12, 2009 10:33 pm

بصراحه الصوره ديه عملتلي حاله استفزاز واشمئزاز من اللي عمل الصورة ديه واتعصبت جدا بس انا مش عارفه هما ليه عملوا كده هو مبقاش فيه روح رياضية والمنافسه الشريفه واللي هي كره القدم اصلا مبقتش رياضه وبقت حرب وطول ما انا ماشية في الشارع بسمع حاجات عجيبه من الناس" ربنا يستر علي اللي هيحصل بعد الماتش" ..."يارب الماتش ده يعدي علي خير" .... ايه يا جماعه هي حرب؟؟؟؟؟؟

موضوع: رد: لا تعليق الجمعة نوفمبر 13, 2009 12:01 am

حقيقه ان فى ناس يا شوشو بتستفيد من ورا البروباجاندا دى عشان كده بيشجعوها و بيعملوا كل حاجه ممكنه عشان الحكايه تبئى حرب مش رياضه

منهم صحف التابلويد و الى بتكتب اى كلام و اى صور ملفقه و اى فضايح لمجرد ان الناس تشترى من الاستغراب من الصور و العنواين

منهم كمان الناس الى بتبيع منتجات متعلقه بالحدث مهما كان رياضى او غيره

ده بئى بالاضافه للناس الى مستنيه مصيبه و تشبع فيها سورى للتعبير فمش غريب نلائى حاجات مستفزه و ملهاش لزوم فى اى مناسبه لان الطابع الاخلاقى و موازيين الشرف فى التعامل اتغيرت و انحدرت كتير اوى

تعليقاً على الخبر : طبعاً صوره فى منتهى الوقاحه و الى كتب الخبر و لفق الصوره اقل من تسميته انسان من الاصل و مش معنى ان الخبر فى جريده جزائريه ان الجزائر كلها بتكره مصر و اكيد فى ناس بتستعد هناك للمنافسه بشراسه لاننا فريق منتخب لا يستهان بيه طبعاً و استعدادهم بالتدريب مش بالالفاظ السيئه و العلانات المشينه غير كده المفروض مش نعيره اى اهتمام

شكراً لطرحك الموضوع للمناقشه يا شوشو و اتمنى اشوف اراء الجميع

ربنا يوفق منتخبنا فى الماتش

أمين

موضوع: رد: لا تعليق الجمعة نوفمبر 13, 2009 2:27 am

احنا اهم حاجة عندنا مصر تكسب
وبالنسبة للصور احنا ردينا عيهم وزيادة وحرقنا علمهم زى ما حرقوا علم مصر

وده رابط للمصريين وهما بيحرقوا علم الجزائر

https://www.youtube.com/watch?v=_vodgCUa_gA

موضوع: رد: لا تعليق الجمعة نوفمبر 13, 2009 2:32 am

تيتو مع احترامى لرأيك بس هل يصح نحرق اعلام بعض زى ما نكون دول اعداء؟؟؟؟
يعنى هما غلطوا فنرد الغلط بنفس الاسلوب و لا نكون ارقى و احسن ........!!!!!!!

الرياضه عنوان لجمال الروح و للأسف ان مشجعى الرياضات على مستوى العالم بينسوا الموضوع و بيحولها عنوان للروح السيئه و المظاهر الهمجيه حتى فى دول الى بيتشدقوا بالرقى و الثقافه

موضوع: رد: لا تعليق الجمعة نوفمبر 13, 2009 2:55 am

سورى يا موكا بس معلش مصر متهانة فى كل حتة ومحدش بيرد وبنسكت كتير اوى انتى لو قريتى تعليقات الجزائريين هتعرفى اننا لازم نعمل اكتر من كدة دول وصلت بيهم انهم يقولوا اننا بنتعامل مع اسرائيل وانهم هيحرروا فلسطين بعد لما يكسبونا وغيرها من التعليقات ومن الاخر البادى اظلم

موضوع: رد: لا تعليق الجمعة نوفمبر 13, 2009 4:04 pm

لا يا تيتو احنا مش همج علشان نعمل كده ولا حتي المفروض ننزل في مستوي قليل لان احنا شعب متسامح بس مش بنقبل الاهانه نرد عليهم بس بأسلوب حضاري وراقي مش زي ما هما عملوا والفريق بتعهم يكسر الاتوبيس اللي بعتاه الشركة المصريه ليهم ويحرقوا علمنا .. ان شاء الله هنكسب الماتش بأذن الله

موضوع: رد: لا تعليق الجمعة نوفمبر 13, 2009 6:28 pm

احنا بقى ان شاء الله ردنا هيكون عليهم عملى فى الملعب وبعد الماتش هنشوف مين اللى هيتجوز مين ................................

موضوع: رد: لا تعليق الجمعة نوفمبر 13, 2009 8:55 pm

منور المنتدى يا احمد و فعلاً احسن رد عملى اننا نلعب و نفوز و نرفع اسم مصر بشرف بدون ما ننزل لمستوى غير اخلاقى و نقلل من شأن مصر و اهلها

الفوز لمصر بإذن الله عز و جل

لا تعليق 1663067-Egyptian_flag-Egypt

لا تعليق %D9%85%D9%86%D8%AA%D8%AE%D8%A8%20%D9%85%D8%B5%D8%B1