يعنى يصح كده....................؟؟؟؟؟

الكره اصبحت حرب ما بين دولتين بشكل شبه معلن مستغربين كلامى ادخلوا على المواقع المصريه هتلاؤا فيديوهات لضرب متبادل حصل فى السودان و بهدله و عدد الجزائريين كان اكبر فأحنا حصل عندنا اصابات اكتر
شتمونا و شتمناهم و ابتدت الحكايه تدخل فى مين هيدمر موقع مين و مين هيوئع موقع مين و مين هيفضح بلد مين؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟

بذمتكم العقل فين فى كل المهاذل دى هى الكوره دى مش رياضه و المفروض ان الرياضه بتربى فى الانسان روح رياضيه قبل العضلات و تقبل للهزيمه زى التقبل للنصر

بلاش يمكن الكوره مش تابعه لفروع الرياضه الراقيه الى بيسلم فيها المغلوب على الغالب زى التنس مثلاًَ و لا حاجه

طب يصح يعنى اننا نبهدل بعض كعرب اكتر ما احنا متبهدلين هى نائصه يعنى يا بشر الكلام الى بيؤلوه علينا فى العالم كله بإعتبارنا همج و ارهابيين و دول عالم تالت و عقليات رجعيه ..........................!!!! ياترى احنا عايزين نثبت لنفسنا و للعالم اننا فعلاً اكبر همج فى الكون ؟

الحزن الحئيئى ان الموضوع كان هيبئى عادى و يادوب هنزعل و نضرب لعبيتنا و مدربهم بنفسنا لو كان الى بيلعب ادامنا دوله اروبيه

على فكره فعلاً احنا مش محتاجين لإسرائيل و مدافعها و لا امريكا و اسلحتها و طيرانها يدمرونا ... احنا عاملين الدور ده على اكمل وجه

اتمنى من الى يمر صدفه و يقرا الموضوع حتى لو مش موافق على كلامى ينشر على الانترنت و الى بئى اسرع و اسهل طريقه للحرب و للسلام بردو إن الى بيحصل ده مش فى مصلحة حد ابداً لا من قريب و لا من بعيد بالنسبه لنا كعرب

على رأى الى ئال العرب اتفقوا من زمان على ألا يتفقوا

والله يا موكا شئ مؤسف اللي بيحصل بين البلدين فعلا مبقتش كوره بقت حرب وحرب صريحة يبوظوا ويخربوا هناك في الجزائر الشركات المصريه ويرفعوا السلاح علي المصريين ويهددوا بالقتل في السودان وفرنسا ويرشوا السودانين علشان خاطر يتهجموا علي المصريين وكسروا الاتوبيس بتاع المنتخب ويضربوا اللاعبين في الملعب اثناء اللعب وبعد الماتش وقبل الماتش ضرب نار امال لو كنا كسبنا كانوا هيعملوا فينا ايه ؟؟ بيبرروا اللي بيعملوه ده بأن احنا اللي بعنا غزه وبنتعاون مع اسرائيل وان احنا اتقلنا من الجزائرين 11 واحد لما كانوا هنا في مصر بعد الماتش ومافيش اثبات علي صحه كلامهم ... حتي يا موكا لو احنا شتمناهم بس مرفعناش سلاح علي حد فيهم ولا ضربنا ولا هددناهم بالقتل حتي المشاهير مسلموش منهم ... معلش طولت عليكي وتسلم ايديكي انك طرحتي الموضوع

موضوع بعنا غزه و باعوا غزه تفتكرى يعنى ان فى حد يملك يبيع بلد و بنعاير احياناً فى مصر الفلسطنيين و نؤل بيبيعوا ارضهم طب خلاص روحوا عيشوا فى ظروفهم تحت تهديد السلاح و نقط التفتيش كل كام متر مش كيلو و نشوف الناس الى بتتكلم عن البيع دى هتبيع بيوتها و لا لأ و كمان الناس ماشاء الله متحملين الهم و عدد لا بأس بيه منهم عايشين فى بيوتهم رغم الضغوط ....سورى لخروجى عن سياق الموضوع

تكسير الاتوبيس و الرشوه و البهدله و الاهانه و الشتيمه و ضرب كل الناس على فكره المسئله تتساوى سواء دول ناس بسطا و حوشوا و عملوا جمعيه عشان "ماتش كوره" ولا ممثلين و مغنيين المهم ان المصريين تم الاعتداء عليهم بشكل مكثف جداً من ناس اساساً فازوا عليهم يعنى الحكايه مبئتش مستاهله كل العنف ده .............طب ده دليل على ايه؟ ان ما بين العرب احقاد غبيه ملهاش اساس من الصحه مثلاً!!!!!!!! ولا ان الكوره دى نكبه مش رياضه و كل متعصبيها على مستوى العالم "و خلوا بالكم مؤلتش مشجعيها" عندهم لوثه عقليه معينه محتاجه للنظر فى امرها و علاجها....ممكن بردو

طب ضرب الشركات المصريه فى الجزائر ده لو اثبت لازم له وقفه قانونيه من السفاره المصريه هناك اومال ايه غرض وجود سفير لينا فى الجزائر و الاعتداء على المصريين فى شوارعهم مش معناه اننا هنبعت جيش نبيدهم بردو السفاره لازم تتصرف و بحكمه فى الموضوع

و بصراحه كده هل ظهرت كل العمايل دى عشان ماتش كوره ؟؟؟؟؟ ولا العشب هناك عنيف معانا يعنى بالفطره و ده مسمعتش عنه قبل كده طب و ادعائات العنف ضد الجزائريين فى مصر ده فين سفارتهم تحقق فيه بردو بعقل شويه و فين حكومتهم من موافقة وزير الشباب و الرياضه عندهم عن مهاذل الجزائريين فى السودان و اعتبارها احتفال .............!!!! لوثة متعصبى الكوره بردو و لا الحكايه محتاجه وقفه بئى و تفكير ......!

الشغل فى الموضوع ده محتاج سفارتين يدرسوا الموضوع مش ناس عاطفيين يكتبوا فى كل مكان لا جزائر و مقاطعه و هناك تتضرب شركاتنا يعنى الكلام كده بئى كفيل بحرب بين بلدين عربيين و العالم تلائيه وائف نازل ضحك و شماته فى العرب و مجاد العرب و يؤلوا بصوا هما كده زى ما ؤلنا

شوية اراهابيين جهله على مجرمين على حراميه و الحبه الى عندهم ذكاء نصابيين ........... ده يرضى حد بذمتكم ...؟؟؟

شكراً لمرورك و مناقشتك للموضوع يا شوشو و يارب حبيبتى كل الناس تبتدى تفكر فى الموضوع من كل الزوايا و تعرفى برغم انى بعيب على الحكومه فى شؤن داخليه تهمنا زى احوال اقتصاديه او اجتماعيه لكن الاحوال الخارجيه رئيسنا بيديرها بحنكه و ذكاء محدش يئدر ينكرهم و الدليل الاجتماع العاجل لكل الوزاراء مع الرئيس و استدعاء السفير المصرى فى الجزائر للمناقشه ووضع حدود للموضوع بدل ما هنعمل حرب و الجزائر تعمل حرب لا وكمان هنبتدى ندخل على السودان و نتكلم عن رشاوى و كل ده من تحت راس ماتش كوره مش حاجه سياسيه و علاقه دوليه مضطربه لقدر الله

رسالة الى كل من لا يحترم المصريين بوجودهم وعراقتهم وحضارتهم التى اثرت كل الشعوب والحضارات سواء عربية او غربية المصرى دايما عريق وكرامته مرفوعة فى اى مكان ولا شك فى ذلك اما بالنسبة للهمج والبربر وما صدر من بعض الحسالة المتخلفين المتعصبين برعاية حكومة طائشة فنحن لا نحترمهم ولا نقبل منهم اى اعتذار ولا نريد بهم اى علاقات فمصر لاتحتاج الى من لا يحترم ابناءها ولا يقدر شعبها وعراقة واصالة ارضها وانا كمصرى من هنا بوجه رسالتى لاى شخص لايحترم المصرين مهما كانت ديانته او جنسيته ولا يشرفنى كمدير للمنتدى باستقبال اى شخص من هؤلاء المتخلفين الهمج ولا كعضو ولا كزائر حتى ..............

EGYPT IS THE GREATEST COUNTRY IN THE WORLD

تحيا مصر

يعنى يصح كده....................؟؟؟؟؟ Liilasup2_73f1709494

احنا اللى عملنا كل ده فى نفسنا احنا اللى بنحترم اى حد بيجى فى مصر اكتر ما بنحترم المصريين
احنا اتهنا قبل كدة وسكتنا وقلنا اننا عرب ومينفعش بس لألألألألألألألألأ مليون لأ
يعنى ايه نخسر وكمان اهلنا يتبهدلوا يعنى ايه اختى المصرية تقلع الجاكت الاحمر وتمشى بالبادى علشان متتعورش يعنى اهلك وناسك يتهانوا ويتخانوا على خوانة يرضى مين
لما جهاز المخابرات بتاعهم ووزارة الدفاع عندهم يجتمعوا ويخططوا للماتش ده ويبعتوا صيع ومساجين يشجعوا
احنا عندنا اصيع منهم وعندنا ناس تاكل الجزائر باللى فيها فى بلدهم مش برة بلدهم
احنا سكتنا كتييييير واستحملنا اكتر بس خلاص اتقى شر الحليم اذا غضب
مصر دى بلدى والحمد لله انى مصرى وكل يوم بدعى ربنا انى ااقابل اى واحد من البرابرة الكلاب دول وياااااااااااااااااااااااااااااااااااااااارب قابلنى بأى كلب فيهم
اسف لو اسلوبى معجبش حد فيكم بس ده رأيى ومش هغيره

مشكور لمرورك يا تيتو و على فكره محدش يئدر يحجر فى منتدانا على رأى الاخر ابداً
لك و لرأيك احترامى سواء تقابلت وجهات نظرنا فى نقاط او اختلفت فى نقاط لان اختلاف الرأى لا يفسد للود قضيه ابداً