حاسه انى بأذن فى مالطه

دى حقيقه وواقع عيشاه بشكل مستمر ولا دى خواطر بوهيميه ولا افكار اكل الدهر عليها و شرب عشان كده ملائتش لكلامى ده احسن من قسم النقاش و الحوار المفتوح ولو انى متأكده ان الموضوع هيبئى بردو مشهور بس فى مالطه و اهلها المساكين لسه متعلموش فى الغالب لغه عربيه ..................
عايزه اقولكم ان دى مش اول مره اكتب فى الموضوع ده و الواضح انها مش هتكون الاخيره
ليه عددنا كاعضاء بيزيد لكن عدد المواضيع هو هو و كم الاضافات اليومى هو هو
ليه يا جماعه الى بيدخل موضوع بيحمل الميديا الى عايزها و مش بيعلق ولو بكلمة شكر للى تعب و دور على الجديد هنا و هناك....طب بلاش عشان اغلب المواضيع ليا و بكده انا بستجدى بشكل مباشر و مؤلم كلمة شكر ترفع معنوياتى كل الردود فى موضوعاتى مقتصره على عدد محدود و محدد و بسيط من الاعضاء القدامى نسبياً لاننا فى الاصل منتدى جديد
طب فين باقى الناس؟؟؟؟بتشارك معانا للتحميل و خلاص و ده مش عيب بس على الاقل كل واحد يدخل يكتب كلمه واحده مش لازم تكون شكر ممكن تعليق عابر عن الموضوع او مشاركه برأى او نقد انا بفرح لو لائيت اى تعليق و بيرفع معنوياتى سواء كان بالسلب او الايجاب تجاه المواضيع

بجد مستنيه مناقشاتكم و اراءكم الصريحه هنا فى قسم الحوار رداً على كلامى
لو غلطانه ؤلولى و اذا صح محتاجه احس ان الاضافات لبشر بيتفاعلوا مش لنفسى