تيجو نتعرف على بعض اكتر

تذكير بمساهمة فاتح الموضوع :

السلام عليكم
فكرت فى اننا ممكن نتعرف على بعض فى شكل اسئله نسالها البعض
والموضوع شبه لعبه الصراحه كدا يعنى كل واحد يدخل يجاوب على سؤال القبله ويسأل البعده
يارب يكون الموضوع عجابكم مستنيه مشاركتكم وردوتكم
واسمحولى انى ابدا واسأل البعدى ايه اكتر حاجه ممكن تجرحك ولا يمكن تسامح فيها ابدا

حاليا مفيش حد واحشينى

ايه هو الحب من وجه نظرك؟

الحب كل شيئ ولولا الحب ماكان احد موجود

الحب اصل الوجود بلحب جانا وبلحب عشنا

وبلحب نودع الاحباب بلحب نتراحم بلحب نتعرف

فانوع الحب كثيرة وكلا منها له درجات تتفوت

وكما قال الشاعر

كنت خبرتنى بانك فى الوجد

عقيدتى وان دائك دائى

لم يقولها حتى انتسيت لما بى

التقت دمعى بفضل ردائى

ويح قلبى واويح عقلى الى كم

يكتم الحب والهوى فاضاحى

هل موجود الان الحب

قرب ينقرض شبه الصداقه
بس لسه اكيد مشاعر والا كانوا البشر اتحولوا لاَلات ملهاش روح

ياترى كان الاحسن نكون من زمان غير الزمان ولا كل زمان وفيه فترة معاناه صعبه كده؟

هى كل فتره وفيها الصعب بتعها
بس كنت احب اعيش ايام البدو والخيام
صحره وخيمه وجمال والميه من بير حاجات كدا
بسيطه وجميله بدل التعقيد دا

مين اقرب عضو ليك فى المنتدى من حيث ارائه وموضوعاته؟؟

بصى يا نونا يا عسل انتى ممكن اقول انتى من ضمن اصدقاء كتير بحب ارئهم

وتفكرهم لانك بتفكرى كويس

مين العضو او العضوه اللى ممكن نلقبه بالعصفور (ة)

ميرسى ياشهد بجد مش عارفه اقولك ايه
وبخصوص لقب العصفوره فهو ينطبق على اكتر من عضوه وهما
ايمى وانتى ياشهد ومايا

اختار احد الاعضاء واوصفه من وجهه نظرك (ياترى شايف العضو
الانت اختارته ازاى)؟

لا دى حاجه صعبه اوى كل الاعضاء كويسين جدا وكل واحد فيه مميزات

وكلنا بنكمل بعض

مقدرش اوصف عضو اترك الثانى كل المنتدى رقيق ومحترم

وخدوم

طبعا ياشهد كل الاعضاء كويسين جدا
وكلنا بنكمل بعض اوك
بس اكيد من خلال الموضوعات والردود بتقدرى تكونى
فكره ولو مبدائيه عن كل شخص
انا قصدى انك تختارى شخص (عضو)وتقولى رائيك الانتى كونتيه عنه
وممكن يكون اكتر من عضو
وصلك الانا اقصده؟

انا فاهمه بس والله لما اخترت عضو لقيت الثانى زيه وفى النهايه مش قدرت اقول حد معين وانا اسفه لانى فست الاجابه

اوك ياشهد ياقمر ممكن انا اجاوب بالنيابه عنك
انا هختار ايمى(موكا)
اولا اى كلام هقوله مش هيوصف قوى بس انا هقول الانا حساه
وياريت تتقبليه يا ايمى
ثانيا ايمى جدعه جدا وبتقدر على تحمل المسئوليه وانسانه رقيقه جدا
حساسه عندها قدره على التعبير صديقه صدوقه بتحافظ على الاسرار عندها
قدره على فهم وتقبل ظروف من يتعامل معاها مسامحه لابعد الحدود.
مستنيه اعرف رايك يا ايمى؟

سؤالى للبعدى ايه الحلم البتتمنى انك تحققه ؟

انا عاجزه عن الرد على كلامك يا نونا و حقيقى انا لو فيا جزء ولو صغير من الصفات دى هكون اسعد انسانه فى الكون و بصراحه فخر ليا ان نونا المحلله النفسيه شايفه فيا الحاجات الكويسه دى كلها مره واحده بس كنت اتمنى تتضمن معاها شوية عيوب اكيد وضحتها طريقتى فى الكتابه و طرح المواضيع لان اغلبها حتى لو منقوله "حقيقه واقعيه" بكتبها بصياغتى الشخصيه فاكيد فيها شوية عيوب بتظهر بين السطور كده فأتمنى يا نونا يا حبيبتى اعرفها و ميرسى على مجاملاتك الرقيقه دى و ميرسى لشهد احساسها الجميل ان اكتر الاعضاء فى بالها و خوفاً على مشاعرهم مش حبت تحلل شخصية حد فيزعل التانى و انا مقدره موقفها الرقيق الحيادى و متفهمه كمان لسؤال نونا انه مش على اساس مجاملة عضو او عضوه اكتر منه ايه الى فهمناه من شخصيات الى حوالينا تبعاً لمشاركاتهم و اسلوبهم فى التعامل فى المنتدى ............... معلش كعادتى طولت عليكم بس انتوا حبايبى بئى و الكلام معاكم مش بيتشبع منه

بحلم انى اشتغل و احقق ذاتى و اثبت لنفسى قبل غيرى انى مستعده احارب مع الحياه و مش مستسلمه اكتر منها فترة تقوقع كده عشان افكر كويس و ارتب حياتى و اركز فيها بس طولت حبتين

سؤالى تفتكر(ى) الناس شايفينك ازاى من جميع النواحى ؟

انتى فعلا يا ايمى انسانه جميله جدا وانا بتمنالك السعاده
وردك رائع كعادتك

وانا شايفه ان الناس شيفانى طيبه لدرجه الهبل
رقيقه وبحس انهم بيحبونى وبيخافو عليا وبيعتبرونى صغيره
وبحب شغلى وبحب حالاتى ومش عارفه الباقى دا البسمعه منهم عنى بس
يارب اكون قدرت اجاوب على السؤال

مين الشخص الانت مفتقد وجوده فى حياتك؟

بصى يانونه انا مش هختلف معاكى فى اللى قولتيه ولكن هضيف شويه حاجات انا شايفاها ولو ان شاهدتى هتبقى مجروحه لانك من اعز اعز اعز زاكتر حد بموت فيه من اصحابى فعلا نونه حد طيب اوىىىىىىىىىىىىىىىىى لابعد الحدود اللى الناس شايفاه بهبل بس انا شايفه ان طيبه نونه دى مش موجوده فى اى حد غير انها صاحبه بجد واوىىىىىىىىىىىىى وحد تأمنه على اى سر فى حياتك مهما كان وحد جدع اوووووووى وحنينه جداااااااااااااااااااااااااااااااا بجد حنيه عمرى ماشفت زيها وحد بسم الله ماشاء الله عليه نااااااااااااااجح جداااااااااااا فى شغله وربنا يحقق ليها كل حاجه حلوه بتتمناها

اما الشخص اللى مفتقده وجوده فى حياتى هو خالى لانى حاسه انه لو كان موجود كانت حاجات كتيييييييير اوى هتتغير فى حياتى وشخص تانى هو موجود ومش موجود

اما سؤالى للبعدى غايه اكتر حاجه واحشه فى شخصيتك نفسك تغيرها؟؟؟ تيجو نتعرف على بعض اكتر - صفحة 2 Icon_question

مش عارفه اقولك ايه يا يويه انتى بس شايفنى كدا علشان انتى اقرب حد ليا
ربنا يخليكى ليا
اكتر حاجه عاوزه اغيرها فيا انى ابطل اكون حساسه زياده عن اللازوم
ودى لكل موقف حقه

لو هتهدى حد بتحبه هديه هيكون مين وهدهتيه ايه؟

لو هجيب لحد هديه هجبها لخالتوا وهتكون ورد

لما بتندم على حاجه عملتها بتعمل ايه ؟

بستغفر ربنا

لو حبيت حد وهو مش بيحبك تعمل اية

هو محصلش معايا كده بس هحاول ابعد عنه

كرهت مين في حياتك ؟؟

عمرى ماكرهت حد فى حياتى
لان كله فى الاخر بيعدى

لو هتسافر مكان دلوقتى نفسك يكون ايه المكان دا؟

نفسي اسافر ألمانيا او باريس

حلمت بأيه ومتحققش ؟

حلمت انى اكون انا

اول حرف من اسم حبيبك

مش عارفه

تقول لمين انت اهم شخص فى حياتى؟

امى

وانتى

ماما وبابا

ايه الحلم الحلمت بيه ولسه مش حققته؟

ازيكم يا شباب اسمحولى اشارك معاكم
ايه الحلم الحلمت بيه ولسه مش حققته؟
الجواز وانى اكون رجل اعمال ناجح
سؤالى
ايه اكتر حاجة بتفكر فيها

طبعا يا حماده تشارك انت بقيت واحد مننا
بفكر فى انى هعمل ايه بعد كدا

مين الشخص البتفكر فيه دلوقتى؟

طبعا حبيبت قلبى
شايف(ة )مستقبلك ازاى ؟

حاسه ان فيه حاجه حلوه مستنيانى فى المستقبل

لو معاك ورده وشيكولاته هتهدى لمين الورده ومين الشيكولاته؟

هدى الوردة لحبيبتى والشوكلاته لاختى

تتمنى ايه وحاسس انه صعب يتحقق

سأل الممكن المستحيل اين تقيم فاجاب فى احلام العاجز

من ساعه ماقريت المقوله دى وانا حاسه ان مفيش حاجه صعبه
بس فى حاجات محتاجه وقت

ايه هى اهم مميزاتك من وجهه نظرك؟

بحب اكون صح وصريح

مين يقدر يغير تفكيرك

انسان اكون بحبه وبثق فيه

لو معاك مصباح علاء الدين وهيحقق ليك امنيه هتتمنى ايه؟

لو قالى طلب واحد واطلبه
هطلب اكون اغنى رجل فى العالم علشان بالفلوس هقدر اسعد نفسى واعد ناس كتير معايا

تتمن ايه للى بتحبه وهو مش معاك

بتمنى ان ربنا يوفقه ويقدمله كل الخير ويسعده فى حياته

لو هتسافر على جزيره ومش مسموح ليك غير انك تختار شخص وشئ
تاخدهم معاك هيكون مين الشخص وايه هو الشئ؟

هاخد مراتى معايا والتليفون المحمول علشان ابقى اتصل باهلى
تعرف ايه عن الحب ؟

سؤال صعب قوى تعرف ايه عن الحب؟
بالنسبه ليا ومن وجهه نظرى ان الحب حاجه كبيره
قوى ومتشعبه وبيلمس كل حاجه فى حياتنا
بس اهم حاجه فى الحب انك تشعر بأستقرار وامان واحتواء من
الشخص البتحبه ودا دورك بردو اتجاهه

احساسك ايه دلوقتى؟

احساس بلظلم

السؤال دة لكل الناس كل واحد او واحدة يقول مواصفات شريك اوشريكة حياتة

انا هجاوب اول واحده
مواصفات شريك حياتى انه يكون بيعرف ربنا علشان يعرف يحافظ عليا
ويكون شخصيه قويه وشويه رومانسى وحنين وانه يقدر يتحمل المسئوليه
ويكون طموح وذكى وعنده حسن تصرف.....

مش هقول سؤال علشان البعدى يجاوب على نفس السؤال

انه يعرف ربنا كويس ويتقى الله فيا ويكون حنين بيخاف عليا
يحتوينى يكون ذكى قادر على تحمل المسؤليه لماح

لو هتجيلك مكالمه تليفون دلوقتى تحب تكون من مين؟

خطبتى

********************************************************
تحب تكون مكان مين من المشاهير او المسؤلين؟

معتقدش يا احمد ان حد يحب يكون مكان المسئولين دلوقتى الله يكون فى عونهم
اما المشاهير فبردو عمرى ما فكرت فى انى اكون مكان حد منهم.

لو هتقول لحد كفايه عليك كدا اخرج برا حياتى يكون مين؟

السلام عليكم,انا عضوة جديدة في المنتدى,ممكن اتعرف على صديقات و اصدقاء؟
لو هقول لحد كفايه عليك كدا اخرج برا حياتى يكون هو الشيطان الله يلعنه.
سؤالي هو لو حياتك كلها احزان شو تعمل؟

وحشتونى اوى اوى يا اصحابى

اشكر ربنا لان الاحزان اختبار من ربنا

تقول لمين كل سنه وانت طيب

اولا: انا اشكر الاداره علي المجهود الرائع وايضا الاعضاء
انا جريح الحب صمتي علو قلبي السامي
اسمي الحقيقي : احمد
حبب اتعرف عليكوم في المضوعات القدمه انشاء الله
تيجو نتعرف على بعض اكتر - صفحة 2 Images?q=tbn:ANd9GcR7O8cVo3DMN2q6ARTllZEb1MIowXjFx9xUYMWlYInB9_wcIdn3OQ

تيجو نتعرف على بعض اكتر - صفحة 2 Images?q=tbn:ANd9GcR7O8cVo3DMN2q6ARTllZEb1MIowXjFx9xUYMWlYInB9_wcIdn3OQ

طيب سؤال
:ايه اكتر حاجه بتحبه في حبيبك او حببتك .؟

اكتر حاجه ممكن احبها فى حبيبى هى قلبه الطيب الحنون

تقول لمين ربنا يسامحك