التجمع الثاني بين اعضاء احلي واجمل منتدي الاصدقاء

اولا السلام عليكم يا احلي اعضاء واحلي اصدقاء

باذن الله احنا ناويين نتجمع تاني خلال اليومين الجايين

بس المرة دي انتوا اللي هتحددوا المكان

هو بس المعاد المقترح انه هيكون يوم اتنين باذن الله (بس ده متروك لظروفكم برده )

عموما اللي هيدخل وهياكد حضوره معانا يختار المعاد اللي يناسبه ويقلنا عليه لو الاتنين ما كنش مناسبه ويا ريت كمان يحددلنا المكان اللي شايفه انه مناسب

باذن الله منتظرين ردودكم الفعالة معانا باذن الله

ويا رب كلكم تيجوا وتشرفونا واسالوا الناس اللي جات معانا المرة اللي فاتت وهما يقلولكم

ويا رب دايما متجمعين علي خير باذن الله

فكره جميله يا ميدو ان الاعضاء هما الى يقترحوا المكان والزمان
بالنسبه لى يوم الاثنين باذن الله مناسب اما بالنسبه للمعاد متروك لكم عشان الدراسه هى الى هتحدد الانسب
ويارب كلنا نتجمع دايماً
:color happy2:

فكرة جميلة يا ميدو
ان شاء الله معاكم وحلو اوى يوم الاثنين

وياريت الكل الظروف تناسبه ويقدر يجى معانا

ممكن اجى معاكم ولا ايه انتوا رحتوا المرة اللى فاتت واحمد مقاليش غير لما جه التجمع الثاني بين اعضاء احلي واجمل منتدي الاصدقاء 8c08270f40

انا الذى نظر الاعمى الى ادبى واسمعت كلماتى من به صمم

تنورينا كالعادة يا ايمي

وطبعا المدير العام ابو حميد مفيش كلام انه هينورنا

اما يا تيتو معلش اعذرنا المرة اللي فاتت بس الموضوع كان موجود في المنتدي عموما تقدر تكو ن معانا باذن الله وتنورنا

يا شباب تقرر باذن الله انه المكان يكون المعمورة

وطبعا الميعاد الاتنين الجاي

هنتجمع الساعة كام ؟ دي انا مش عارفها يا ريت تحددوا ميعاد المقابلة باذن الله

اللي عنده اي اعتراض علي المكان والزمان يا ريت يدخل ويقول علشان نحاول نوفق معاكم جميعا باذن الله

هاى يا جماعة
وازيك يا ميدو
هو يوم الاتنين مناسب بس المعمورة بعيدة
قربوا المكان شويه
ويكون على الساعة 4 عشان الشمس كمان والمحاضرات

خلاص هنحاول يا هدير لان بجد عايزينك تكوني معانا والله

هنشوف وهابقي ارد عليكي

وانا كمان والله نفسى اشوفكم
بس انا لحد دلوقتى مش عارفة حتنقابل فين ولا امتى Rolling Eyes

بصي يا هدير التجمع اكيد يوم الاتنين الجاي باذن الله

اما المكان هنحاول نقربه ولو معرفناش يبقي اكيد المعمورة

امتي هنتقابل ده سهل بس نحدد المكان

iهاااااااااااااااااى
بجد كان نفسى اكون معاكم بس عندى ظروف تمنعنى

واحنا كمان يا شهد نتمنى تكونى معانا ويارب الظروف دى خير
وتتعوض التجمع الجاى باذن الله يا قمرايه

مرسى ليكى موكا بجد ححاول اكون معاكم
بجد انا بحبكم اوى ونفسى نكون اصدقاء بجد
تجمعنا كل حاجه حلوه وميفرقناش غير الموت

تنورينا والله يا شهد

ولعل المانع خير باذن الله

المهم حاولي انك تكوني معانا باذن الله لو قدرتي المرة دي ولو منفعش فالجايات اكتر باذن الله
واحنا عاوزينك تنورينا بجد

اوكى يا ميدو انت بقى حتعزمهم وتفسحهم فى الاسكندريه

هو فى حد من الاسكندريه غيرك

مين ده اذا كان اصلا كلنا اللي جايين باذن الله من اسكندرية

والله نفسي الناس بتاعة القاهرة تجيلنا بس تتعوض مرة تانية باذن الله

مرة تانية نبقى نعمل رحلة للقاهرة لو ينفع يعنى

ياريت بجد يكون فى تجمع فى القاهره علشان
احنا مظلومين معاكم دا تانى تجمع فى اسكندريه
واحنا منسين خالص

معلش يا نونا ان تجمعاتنا لسه فى اليكس وباذن الله بمرور الوقت هنعمل تجمعات متميزه كمان فى القاهره

موضوع حلو اوى يا ميدو
وسوري للتاخير فيه
واكيد انا هكون موجوده ان شاء لله

ihى على جميع يارب تتجمعو على خير ديمنا وبتمنا ابقا صديقا منكم

طبعا يا سارة انتى فعلا صديقة لينا ويارب تنورينا علطول فى المنتدى

نورتى ياsosesaso المنتدى وبنتمنى انك تكونى معانا على طول
منوره ياقمر ومستنين مشاركاتك معانا

ايه النور ده يا ساره بجد احنا سعداء بيكى

اتمنالك احلى الاوقات مع احلى واجمل منتدى منتدى الاصدقاء

اهلا وسهلا بيكي معانا يا سارة

نورتينا ويا رب تكوني دايما موجودة معانا

نورتى ياسارة المنتدى
وياريت تيجى معنا التجمع وتتعرفى علينا
ان شاء الله يا جماعة يوم الاتنين زى ما اتفقنا فى المعمورة من الساعة 12 الى 1 هنتجمع هناك

مبسوطه كتيييييييييييييييييييييييييييييييييييييييييييييييييييييييييييييييييييييير انى هشوفكم بعد بكره
وحشتونى كتير اوى فوق الوصف و اتمنى الى مش كانوا معانا المره الى فاتت لاى ظروف يشاركونا تجمعنا الجميل المره دى

انتي اللي واحشنا كتير يا موكا

والله احنا كمان مبسوطين كتير انك هتكوني معانا

ميرسى يا ميدو على ردك الرقيق و زوقك
وميرسى انك دايماً بتجمعنا انت واحمد و يارب متجمعين على خير دايماً

انا زعلانه اوى لانى مش معاكم بس غصب عنى والله
بجد كان نفسى اشفكم ونقضى وقت ممتع مع بعض

منقدرش على زعلك يا شهد والايام جاية كتير وان شاء الله تكونى معانا المرة الجاية
واليوم كان جميل بس كان هيبقى اجمل لو كل اصحابنا كانو موجودين
تتعوض ان شاء الله المرة الجاية يا شهد وتكونى معانا

بجد يا شباب اليوم كان ممتع اووووووووووووووي

بالذات في ماكدونالدز كان عايزكم بجد والله

انا زعلت جداااااااااا ان بقية الناس مكنتش موجودة

لكن التجمع الجاي باذن الله مفيش حد ليه حجة علشان يكون معانا بل بالعكس هتقضوا معانا يوم زي العسل وبجد اللي مش ناوي ييجي معانا هيخسر كتير اوووووووووووووي

بجد كان يوم رائع وكنت اتمنى ان الكل يحضر معانا
حقيقى مش عارفه اشكر ميدو على اليوم الجميل اد ايه
و شكراً لاحمد و للجميع بجد كان يوم رائع و بأذن الله كل تجمعاتنا احلى واحلى دايماً

تشكرينا علي ايه يا موكا
بل بالعكس انا اللي عايز اشكرك لاننا بنتجمع علي حسك انتي

يلا باذن الله هنحضر تجمع قريب وهيكون برده اليوم مناسب مع الكل باذن الله

بس يا رب الكل ييجي

مرسى ليكم كلكم وانا بجد كتير زعلت انى مش معاكم ومرسى ليك يا احمد
على الزوق والرقه ومرسى ليكى موكا انا بجد زعلانه كتير انى مش معاكم

» فـي المقهـى ( الجزء الأول )
» اول تجمع اصدقائي بين اعضاء المنتدي
» سجل الاصدقاء
» خاص منى الى الاصدقاء
» قهوة الاصدقاء