دارك ؟لعبة جديدة..

فكرة جميلة جدا يا تيتو تسلم ايدك وموافق عليها ومعاك باع يا برنس

الاول اقولكم وحشتوني واسفه علي غياب الاربع ايام ....فكره حلوه جدا يا تيتو وانا موافقه

شكرا يا احمد ويا نونا ويا شوشو على ردكم ويلا يا بشمهندس احمد انت المدير اختار لنا شخصية على مزاجك كدة

تسلم ايدك يا تيتو بجد لعبه حلوه اوي

بما ان اللعبة عجباكم
انا من حقى اختار حد
وهختار شوشو
اتفضلى يا شوشو الكل ينتظرك

ميرسي يا احمد جدا .. وطبعا ليا الشرف اني اول ضيفه وانا كده هرجع بالزمن كتيييييييييير
طبعا كل مرحله في حياه الانسان حلوه وكل مرحله وليها ذكرياتها ...بس طبعا مرحله الطفوله مافيش احلي منها الواحد كده مش بيبقي شاي هم المستقبل ولا شايل مسئوليه ...

زمان وانا صغيره كنت طفله هاديه ومش زنانة وعمري ما لعبت في الشارع ابدا -حتي اليوم اللي نزلت فيه اتعورت جامد وطبعا منسيتش اللي حصلي ده-
كنت ساكنه في بيت عيله ....كنت اولي الاحفاد البنات فطبعا كنت مدللة زمان بقي كنا بنتجمع يوم الخميس او الجمعه عند اي حد في البيت ونتفرج علي فيلم السهرة ونلعب كوتشينه ونفضل سهرانين لحد الصبح

طبعا من الايام اللي متتنسيش ليله رمضان بليل كنا بنتجمع كلنا ونتسحر عند جدي الله يرحمه وطبعا كنت بستني المسحراتي ولازم ينده علي اسمي لانه لو مسمعتش اسمي بزعل جدا لأن المسحراتي ده المفروض انه واحد مشهور ويا سلالالالالالالام لو عرف اسمي ونده عليا وطبعا كان بيبقي معايا الفانوس الجديد الليي جابوه جدي واركب في البطاريه واشغل الفانوس وافضل العب بيه لحد ما انام وطبعا الفانوس كان بينام في حضني كانه ابني الصغير ...
اول يوم رمضان كنا دايما العيله كلها متجمعه وبنفطر عند جدي - كانت زمان دلوقتي مبقتس موجوده -
طبعا محدش ينسي يوم الوقفه والعيد والعيديه كنت باخد عديتي وروح عند عمو محمود اشتري منه لعبه اللي هي مش عروسه لالالا كنت بشتري مطبخ او طقم شاي او ادوات الدكتور وطبعا كان لازم اكشف علي البيت كله
نيجي بقي في العيد الكبير كل الاطفال تقف تتفرج علي الخروف وهو بيدبح انا بقي كنت بروح استخبي لاني بخاف من الدم وبيصعب عليا الخروف اللي لعبت معاه في سطوح بيتنا واكلته ...
بس كده دي اكتر الحاجات الحلوه اللي كنت بحبها وانا صغيره يارب مكنش طولت عليكوا واكون ضيف خفيففه وميرسي ليكم تاني مره

طبعا ضيفة خفيفة ولذيذة يا شوشو
عندى ليكى سؤال
هل يا ترى لسه فاكرة حاجة من ايام الحضانة

ميرسي يا احمد فاكره حاجه واحده من ايام الحضانه كان ليا واحده معايا في الفصل بتهددني باني لو مش اديتلها السندويتشات بتاعتي هتحبس والدي عشان والدها كان ظابط فطبعا كنت بدلها السندويتشات كلها واروح لماما ميته من الجوع وماما كانت بتستغرب لحد ما ماما اكتشفت الموضوع ده وقالتلي لو البنت دي قالتلك كده تاني قوليلها انا كمان جدي ظابط وخالي ظابط وهحبس والدك ومن ساعه البنت دي حرمت تاخد مني السندويتشات



ميرسي ليكي يا نونا واكتر حاجه اتمني ترجع تاني من زمان اللمه بتاعت العيله من تاني لانها بجد احساس عمره ما يتنسي ان يبقي حواليكي كل عيلتك ومافيش مشاكل ولا زعل

السلام عليكم
ازيكم يااحلى اعضاء
ميرسى جدا لكى انا ليا الشرف انك اخترتينى اشارك معاكم
وهبتدى علطول وبحاول افتكر وانا بكتب اهو
هبتدى معاكم من اول ما افتكر لانى ممكن يكون صعب التسلسل بس هحاول اقوةلكم كل اللى افتكره
انا اخر حاجة افتكلرها وانا صغير اوى فى الحضانة اللى مكنتش بروحها كتير
افتكر اوى امن كان فى بنت معايا فى الحضانة كانت تخربشنى فى وشى وتكل منى السندوتشات ومكنتش بحب اروح الحضانة علشان كدة مع انها مكنتش بعيدة كانت قريبة من البيت
وبعد كدة فى درس امام منزلى كل اخواتى كانوا بياخدوه فيه وانا روحته من قبل ما ادخل المدرسة وهناك كل المدرسين كانوا بيحبونى واصحابى كمان
افتكر كمان وانا صغير كنت بتفرج على العيال من البلكونة وهما بيلعبوا لانى مكنتش بلعب فى الشارع اهلى كانو بيمنعونى علشان بيخافو عليا
كنت بقى انا بعمل طيارات جميلة واطيرها من البلكونة مع جيرانى
وكان بنطير دبابير ورق واكياس كملن وكنا طول االنهار بنستمتع بكدة حتى فى عز الشمس
اما عن العيلة كنت انا وولاد عمتى مع بعض عند جدتى ونلعب كورة وكل حاجة ونونتعور ونجرى وكانت ايام جميلة اوى كل العيلة كانت بتتجمع غير دلوقتى
وكان جدى طيب اوى كان ابن عمتى كل شوية ياخدنى ونروح ناخد منه فلوس نصرفا وهو يدينا وميقولناش لا ابدا وكان كمان بيفتحلنا الجامع بليل ونلعب فيه والجامع كان كبير واحنا بنقعد فيه ونجرى ونلعب كانت ايام حلوة
لحد ما الواحد بقى كبر شوية ودخل المدرسة كنت علطول شاطر علشان امى كانت دايما تشجعنى وتقولى هتبقى كويس
لما روحت المدرة واحدة واحدة اتعلمت الفساد واتعلمت كل حاجة حتى البلطجة
وكنت بتعارك مع الولاد علشان البنات وكاننت النات تيجى تشتكلى من العيال وابلهم حقهم لدرجة انى افتكر انى اتعاركت مع واحد وكسرت الديسك وطلعت اجرى وراه بالخشبة علشان اعوره ومسبتهوش لما طلعت من المدرسة جريت وراه لحد بيتهم ولما طلع البيت قعدت احدف بالطزب كسرت الازاز وطلعت اجرى
كنت كدة فى الشارع والمدرسة بس فى الفصل كل المدرسين بيحبونى ومحدش بيعملى حاجة علشان كنت اشطر واحد وكنت بطلع الاول فى المدرسة حتى الطابور الصباحى كنت بسيبه واطلهع انام فى الفصل ومحدش يدر يكلمنى كنت اضحك عليهم واقولهم انا شرطة سرية
ورغم كل الشقاوة دى اانا كنت هادى اوى فى البيتا والبشارع بتاعى ومحدش يعرف انى كدة
ولا الجو بقى
كنت بحب بنت معايسا فى المدرسة اسمها بسنت والنظارات والغمازات بقى واحلى كلام اطفال
وكفاية كدة علشان مطولش عليكم

الواد الللى كسرت ازاز بتهم لحد دلوقتى لسه فاكرنى ويشوفنى يبصلى بكره اوى
بس الحمد لله مفيش غيرده ومش فارق معايا كرهه

ده انت كنت طفل هاااااااااااااااادي جدا من الواضح بس والله شقاوه حلوه