الشعب المصري أسعد تالت شعب في العالم - صدق أو لا تصدق

الشعب المصري أسعد تالت شعب في العالم - صدق أو لا تصدق

هذا هو الموضوع الذى تناولته الصحف قبل عدة ايام
فالمصريين هم الاسعد بعد الاستراليين و الامريكا علما بأن الدراسة اجرتها مجموعة
دراسات السوق الدولية و مقرها لندن..

و قد اندهش كل من قرأ الخبر حتى ان الكاتب الساخر احمد رجب علق
قائلا : يبدو ان الذين اجروا هذه الدراسة كانوا تحت تأثير البانجو

و حقيقة انه من العجيب حقا ان ترى علامات الرضا و السعادة على وجوه المصريين
رغم كل ما ينشر و يقال عن الحزن و الهم و الكتئاب الذى يجتاح ايامنا و حياتنا و احلامنا
و هذه نماذج لحوارات اجريت مع اشخاص ينتمون الى شرائح اجتماعية
مختلفة الذين اتفقوا ان حقا الشعب المصرى من اكثر شعوب العالم احساسا بالسعادة
و كان السؤال الموجه اليهم ما هو سبب السعادة و رأيهم فى هذه الدراسة
و بالطبع لم تخل كلماتهم كما هى عادة المصريين من السخرية اللاذعة
- فمنهم من تساءل اين اجريت هذه الدراسة و ما هى نوعية البشر الذين تم سؤالهم
عن احاسيسهم ؟
- هل كانوا من شباب مارينا مثلا ؟ ام من المواطنين فى طوابير العيش؟
- و قال اخر : نحن سعداء لاننا مازلنا عايشين بل و مازال عندنا امل
رغم كل ما يحيط بنا من فقر و ظلم و رشوة و محسوبية ووساطة و فساد
و تلوث سمعى و بصرى و بيئى و اغذية ملوثة بالمبيدات المسرطنة
- و قال اخر : احنا سعدا... هو احنا عايشين ليه ؟
مش عشان ناكل و نشرب الشاى و اللحمد لله بناكل و بنشرب الشاى و مبسوطين
- و قال رابع احنا الحاجة الوحيدة اللى بتسعدنا ماتشات الكورة
و ربنا يخلى المسئولين و يبعدوا عنا الجماعة اللى عاوزين يشفروها
و هى برضه حاجة بتلهينا عشان ما نفكرش كتير
- اما هذا الاب المكافح فقال احنا سعداء عشان هيطوروا الثانوية العامة
و حيحاربوا الدروس الخصوصية اللى خلتنا على الحديدة
- و قال شاب انا سعيد عشان انا ممكن اكسب عربية مرسيدس بمكالمة فى الموبايل
و ممكن بعشرة جنيه اكسب الملايين من شهادة الملايين اللى اعلنوا عنها فى الصحف...
ربنا يخلى الحكومة
- و هذا ما قال رجل وقور احنا سعداء لاننا مغيبون
و يبدو ان هناك علاقة بين ذلك و ما يريده البعض من اننا من اكثر شعوب العالم
استهلاكا للمخدرات
- اما هؤلاء الشباب و معظمهم مثقفين فردهم ان مصدر سعادتهم ان الحكومة سمحت لهم
بالتظاهر السلمى للتعبير عن الرأى و هنا اعترض احدهم و قال : صحيح بيسيبونا نتكلم
و نهتف و نقول اللى احنا عاوزينه و فى الاخر بيعملوا اللى هما عاوزينه

يااااااااااااه فعلا يا نونا والله من كتر السعادة حاسس بأكتئاب حكومتنا الحمد لله موفرلنا كل حاجة المخدرات على قفا من يشيل ولا الاغذية المسرطنة ولا المساواه مقولكيش وياسلام بقى على الوظائف الشاغرة ولا القهاوى اللى معليهاش بطالة الواحد مننا بيخلص جامعة وبعدها بسنة واحدة يكون متجوز
عاوزين سعادة ايه اكتر من كدة وفى كام بيت شعر كنت مألفهم ايام الامتحانات حاسس ان ده وقتهم


ترانى مبتسما وغير مدركا..........صوت بكائى الذى اخفيه

اصعب الالام الم النفس فلا.........تحسدنى على ما أبديه

ظمأن قلبى قلة الفرح..........فهل اجد عنك ما يرويه

الله اعلم بمدى صحت الدراسة دى بس دعونا نفترض انها صحيحة انا من راى انه لو سالت اى فرض بجدية هل انت سعيد ولا لا؟ هيرد ويقول الحمد لله والكلمة توحى بالسعادة واستحضر الان قول الله تعالى ( ومن اعرض عن ذكرى فان له معيشة ضنكا ) صدق الله العظيم
وطبعا مع العلم ان معظم الشعب المصرى متدين فهذا ما يدفعنا الى الاحساس بالرضا والسعادة مهما كان ظروفنا واقتصادياتنا ضعيفة بس الرضا والايمان هما اللى بيدفعوا الواحد لللاحساس بالسعادة وكمان فى حاجة المال زى ما هو نعمة وفضل وبيسعد الناس زى ما هو فى نفس الوقت نقمة وسبب فى التعاسة للانسان اذا اساء استخدامه

تسلم ايديكي يا نونا علي الموضوع الجامد ده احنا فعلا اكيد شعب يحس بالسعاده حتي لو الدنيا قافله في وشوشنا لانه حتي في وقت النكد بيسخر منه وان شاء الله دايما نقوووول بكره يبقي احسن

تسلم ايدك يا نونا بجد على موضوعك ده تحفه بجد
ويانونا اي حد فينا ممكن مضايق من حاجه ويقولك الحمد لله
لان دي حاجه بتاعت ربنا ومكتوبه لينا يبقا لازم هنشوفها

تسلم ايدك نونا على هذه النكته الجميله

بس عندى كلمه لدرسات السوق الدوليه

كنت فكرك وسط بحر التوها 00000 مارسى طوق نجاه

التقيتك موجه غدره00000 فرقت قلبى وتاه

انتى بحر خداع غويط00000 اما انسان بسيط

والمسافه بينا اكبر00000 منها شطين المحيط