شوف التعامل ازاى وانت وشطرتك

1- قبل ما تكلمها وعايز تاخد فكرة مبدائية عن شخصيتها
انظر لعنيها دقق النظر

اجعلها تلاحظ نظراتك ليها وعندما تراك ثبت نظرك على عيناها لمدة طويلة ولا تهتز ولا تدير وجهك عنها
اذا هى ادارت وجهها بسرعة وارتبكت اعرف انها خجولة اوى ومش جريئة
اما اذا استمرت هى فى النظر ولم تدر وجهها
اعرف انها شخصية قوية وعنيدة وجريئة
اما لو تجاهلت تلك النظرات وهى تعلمها اعرف انها تقيلة ومش سهلة
2- لما تكلمها وتكلمك
]لو لقتها بتقولك سورى واوك وميرسى ومش عارفة اقولك ايه وسانكس وشوية انجليزى على عربى مامى وبابى

اعرف انها بتتجمل ومش على طبيعتها ده بس لو ماكنش تعليمهااساسا لغات

لو كلمتك زى اى واحد صحبك وعادى معاك اعرف انها بنت جدعة وتقدر معنى الصداقة

لو كلامها كان فى حدود ضيقة اوى مش كالمعتاد مع اى حد من صحابها وبتقلل الكلام معاك وردها يدوب على الاقد ممكن يكون حاجة من اتنين وبيبقوا واضحين
الاولى : اما هى هتموت عليك وعاملة تقيلة علشان تدوبك وتقدر تملكك
الثانية :هى ممكن تكون مش طيقاك اساسا ومش بتفكر فيك ودى معاك ربنا فيها

لو عايز تخرج معاها ما تستعجلش الموضوع تدريج كالاتى
فى الاول هتكلمك على التليفون وداخل المكان اللى انتو فيه سواء الكلية او الشغل او الكورس او المكان اللى يجمعكو ايا كان
بعد كدة هتلاقى الموضوع تطور شوية يعنى الكلام هيا خدكوا لحد لما توصلو الى الباب وتقفوا تتكلموا على الباب وبعدين تسلموا على بعض وتمشوا
بعد كدة هتلاقى نفسك رايح توصلها لمكان ركوبها وهى مش هتقولك لا ويطور الموضوع شوية هتبقى انت رايح مشوار على نفس طريقها وتروح معاها ودلوقتى بقى الخروج عادى مش هتقولك مش هينفع هتلاقى الخروجات عادى
حلو الكلام
اما بقى اذا كانت متدينة ومتمسكة بدينها كويس مش هتكلمك من الاول الا فى حدود كلمتين وخلاص انتهى الموضوع مش هتاخد معاها حق ولا باطل دى بقى تروح على بيتهم على طول لانك مش هتلاقى احسن من كدة

ممكن تقابلك شخصية معقدة من حوار قبل كدة ودى بقى هتلاقيها حريصة معاك ومش سهلة بتبقى محيرة جدا وانت وشطرتك بس لو عايز نصيحتى عاملها بنفس معاملتها وحسسها بالى بتعمله معاك

نرجع لموضوع الخروج
اصبحت دلوقتى بتتفق على مواعيد وتخرج والله يسهلك يا عم وفجأة تديها معاد ومتجيش فيه وبعدين تتصل بيك وتقولك معلش والله غصب عنى لما اشوفك اقولك
وانت طبعا مع اول معاد اول ماتشوفها زى الحلو كدة هتسالها مالك ايه اللى حصل مجتيش ليه هتقولك خلاص مش لازم بقى حوار وانتهى وانتى هتلح عليها علشان تعرف لان طبعا هى هتبن انها كانت مضايقة
وبعدين ترد عليك وتقولك اصل انها كانت مضايقة شوية علشان كانت متخانقة معاهم فى البيت وانت طبعا هتسالها ليه ودى بقى المفاجأة وياريتك ما سالت
هتقولك اصلهم كانو جايبلى عريس و انا رفضت طبعا وخد بالك من طبعا دى
وانت طبعا زى الشاطر هتصدق
الكلام من هنا ورايح بقى هيبقى على ارتباط يا معلم
ده نوع تدريجى من البنات
فى نوع من الاول عايز يرتبط وخلاص بسرعة
ودى بقى هتلاقيها بيوقعك على طول تلاقيها بتكلمك فى التليفون قدام امها على اساس انكم اصحاب وامها تكلمك وتقولك خلى بالك منها هى زى اختك وانت طبعا هتقولها فى عنيا الاتنين يا طنط
شوية شوية تديك معاد وتلاقيها جايبة معاها اى حد من العائلة الكريمة اخوها الصغير او ابن عمتها ابن خالتها ممكن اختها او امها كمان ولما امها تشوفك تقولك انت ايه ظروفك وانت بقى احكى وشوف ايه نظامك

اما النوع الاخير هتلاقيه من اول نظرة فى عينه هتلاقيه ابتسم وبعدين ضحك ولما تكلمه تلاقيه روش وكول وده طبعا مش بيفكر فى اى حاجة غير انه يقضيها

انا مش بهاجم البنات بس دى انواع انا شوفتها وسمعت عنها والموضوع اللى شاف نوع تانى يقول علشان الكل يستفيد ويعرف يتعامل واحنا فى الاول والاخر مش نقدر نستغنى عنهم

ولله حرام عليك
انت كده مش بتهاجم البنات
ده انت مخليهم وحشين اوى ولله
بس انا عندى راى بقى على انها لما تقولك جالى عريس
بص هقولك على احجه مش فيه مش بيجلها عرسان سواء وحشه او حلوه دى اول نقطه
تانى نقطه اللى بيحب حد بيبقي عايزة يخطبه ويمشي بيه قدام الدنيا دى كلها
ويقول ده خطيبي والانسان اللى انا بحبه
وتالت حاجه ان في ولاد كتير بتتسلى بالبنات وبنات بتتسلى بالولاد
ولله انا اعرف واحد بيروح يتقدم لبنات على اساس انه يثبت ليهم حبه ليهم وبعدين بيقولى ان الكلام مش بفلوس المهم يخرج ويتفسح ويلاقى حد يكلمه ويهتم بيه
وانصح البنات شويه حرام عليك احنا غلبانين
هههههههههههههههههههههههههههههههههههه

اولا مشكورة على الرد
ثانيا انا بكرر اننا مش بنهاجم البنات بس ده صورة لبعض ما يحدث ويتكرر
كمان انا بقول النصايح دى للناس اللى ناوية تقضيها من الاول وبعرفهم ان الموضوع كدة كدة اخره الارتباط
لازم بقى من الاول يحسن الاختيار علشان البعض مش بيفكر فى نقطة الارتباط فى الاول بيقى عايز يجرب ويقضيها

اما بالنسبة لنصايح للبنات اوعدك ان شاء الله هيكون ليهم موضوع علشان نبقى عدلنا بينهم

وفى الاخر احنا مش نقدر نستغنى عنهم دول حتة الجاتو الطرية فى حياتنا

اوكى ماشي
وانا بهزر معاك
وانت كلامك مظبوط
اها نزل نصايح للبنات علشان حرام احنا مظلومين دايما

بجد موضوع جامد يا احمد وعاجبنى جدا
بس صوابعك مش زى بعضها
يعنى بردو مش كل الصبيان تكون مطمن ليها
ولو كنت ولد بردو مش البنات تطمن ليها :happy2:

زائر

موضوع جميل اوىىى يا احمد ومنتظرين جديدك

موضوع جامد جداااااااااااااااااااااا
واستمر يا ريس في مواضيعك الجامدة

انت شكلك حريف مع البنات دانت شكلك مدوبهم كله

هههههههههههههههههههههههههههههههههههه
بجد تسلم ايدك انت مش قلت حاجه غلط بس انا وصحباتى مختلفين خالص بالاخص البنت الى اتعرفت عليها من 3 سنوات
احنا بجد مختلفين بس بتجمعنا حاجه واحده اننا رفضين الارتباط ومقتنعين بالنصيب اما انا فبشهادة المقربين لى انى انسانه غريبه
وانا حسيت بكده حاسه انى من عالم تانى مش عارفه اتعايش مع الناس هنا مع انى حبيت بس بجد حاسه بحاجه غريبه اوى
وعمرى ما طلبت منه الارتباط الرسمى مع انه كان صريح ومصمم على الارتباط بس انا لا مش عارفه ليه مع انى حبيته اوى
وتمنيت انى اكمل معاه بس مش عارفه فعلا انا غريبه ولغز كمان كل الناس محتاره فى شخصيتى وانا كمان

» ازاى حبتها
» تقول لمين كل سنة وانت طيب
» ايه الي بترسمه وانت زهقان؟؟؟؟؟؟؟؟
» ازاى تخلى ولد يحبك ؟
» ازاى تنزل ويندوز بالصور